राजारानीलाइ ३–१ गोलले हराउँदै चित्लाङ क्लब बेलबारी गोल्डकपको सेमिफाइनलमा 

एक पक्षीय खेलमा काठमाडौंको चित्लाङ फुटबल क्लब, राजारानी फुटबल क्लब धनकुटालाई ३–१ गोलले हराउँदै अन्तर्राष्ट्रिय आमन्त्रण सातौं बेलबारी आरजु राइस गोल्डकप फुटबल प्रतियोगिताको सेमिफाइनलमा प्रवेश गरेको छ ।

चित्लाङ फुटबल क्लबको जितका लागि १६ ओैं मिनेटमा हेनरीले गोल गरे । रोवर्टले कर्नर प्रहार गरेको बल राजारानीका गोलरक्षक प्रदीप भण्डारीले पञ्च गरि बचाएका थिए ।तर,रिवाउन्स बललाई चित्लाङका खेलाडी हेनरीले पोष्टमा प्रहार गरी सिंधै गोल गरे । ३३ ओै मिनेट चित्लाङका विदेशी खेलाडी रोवर्टले गाल गरे । दोस्रो गोल गर्न हेनरींको क्रममा रोवर्टले गरेका थिए । ५६ ओैं मिनेटमा रोवर्टले थप एक गोल ठोके ।तेस्रो गोल रोवर्टले तपन कार्कीको पासमा गरेका थिए ।
अनन्त तामाङ ,शनिश श्रेष्ठ र रोहन कार्की लगायतका राष्ट्रिय खेलाडी लिएर मैदानमा निस्केको राजारानी क्लब धनकुटाले खेलको ६१ ओैं मिनेट सान्त्वना गोल फर्कायो । रारारानीको लागि एकमात्र गोल अनन्त तामाङले गरे ।

सान्तवना गोल गरेपछि रक्षात्मक बनेको चित्लाङ बिरुद्ध धनकुटाले एक पछि अर्को राम्रा अवसर निकाले पनि स्कोर गर्न सकेन । सोमबारको खेलमा चित्लाङ फ्ुटबल क्लबबाट २ गोल गर्ने रोवर्ट म्यान अफ द म्याच घोषित भए । नेपाली कांग्रेस मोरङका सचिव ललित बहादुर श्रेष्ठले नगद ५ हजार सहित म्यान अफ द म्याचको ट्रफि प्रदान गरे । चित्लाङले कात्तिक ९ गते दलसिंहपारा फुटबल क्लब भारत र सलहेस क्लव सिराहा मध्ये खेलको विजेतासँग खेल्नेछ ।

मङ्गलबार गत वर्षको बिजेता व्रिगेड ब्वाइज क्लव र बुटबल लुम्बिनी फुटबल क्लव बिच खेल हुनेछ ।