नेपालमा बिनासकारी भूकम्पका बेलामा अस्ट्रेलियाले सामाजिक संरचना निर्माणमा महत्वपूर्ण भूमिका निर्बाह गरेको र लेबर पार्टीले पनि नेपालमा स्कुलहरुको पुनर्निर्माणमा सहयोग गर्दै बालबालिकाहरुलाई स्कूल फर्कन सहयोग पुर्याएको सांसद जोआनले स्मरण गरिन् ।
जोआनले बिदाको समयमा वुद्ध र सगरमाथाको देश नेपाल गई त्यहाँको पर्यटन प्रबर्द्धनका लागि दीर्घकालिन रुपमा सहयोग गर्न र त्यहाँ लगानीका संभावनाहरुको खोजी गरेर सकारात्मक प्रभाब पार्दै द्धिपक्षीय साझेदारी मजबुत गर्न सकिने बताइन् ।
नेपाल फेस्टिबलको प्रचार प्रसार गर्ने क्रममा लुम्बिनी कपिलवस्तु दिवस अभियानका बिश्व संयोजक रामकुमार श्रेष्ठले जिलोङकी सांसद क्रिस्टिन कोउजिन्स र अस्ट्रेलियाकै सबैभन्दा ठूलो मध्येको एक पाको फेस्टा महोत्सव आयोजना गर्ने संस्था डाइभर्सिटाटका प्रमुख कार्यकारी अधिकृत माइकल मार्टिनेजसंग पनि भेटघाट गरेका थिए । भेटघाटमा जिलोङ निवासीद्धय ज्ञानेन्द्र उप्रेती र आरजु बस्नेत पनि सहभागी थिए ।
