भब्य रूपमा मनाइयो पत्रकार महासंघ कतार शाखाको १६ औँ स्थापना दिवस

दोहा, कतार / मुस्लिम धर्मावलम्बीहरूको महान पर्व इद उल फित्रको अवसर पारेर नेपाल पत्रकार महासंघ कतार शाखाले १६ औं  स्थापना दिवस तथा  शुभकामना कार्यक्रम गरेको छ ।

महासंघ कतार शाखाको स्थापना दिवस मे ११ तारीक पर्ने भएपनि छुट्टी हुने दिन १३ तारिख शुक्रवार गरिएको हो। दोहाको नज्मा स्थित सालिमार रेस्टुरेन्टको सभाहलमा नेपाल पत्रकार महासंघ कतार शाखाका अध्यक्ष करिम बक्स मियाको सभापतित्वमा भएको कार्यक्रममा नेपाली राजदूतावास कतारका द्वितीय सचिव प्रविण भट्टराई प्रमुख अतिथि  थिए ।

गैरआवासीय नेपाली संघ, अन्तर्राष्ट्रिय समन्वय परिषद्  (एनआरएनए) का उपाध्यक्ष आर के शर्मा, उपाध्यक्ष नरेन्द्र भाट, यूवा उपाध्यक्ष राज रेग्मी, मध्यपूर्व उप–संयोजक अब्दुल वासिद, नेपाली महिला समाज कतारकी अध्यक्ष सरिता पौडेल भण्डारी, महासंघ कतार शाखा पुर्व सचिब  महमद्द अजिज अलि लगायतले उक्त कार्यक्रममा  शुभकामना ब्यक्त गरेका थिए ।

कार्यक्रममा मधेशी समाजिक अभियानता मनिष यादव, महासंघ कतार शाखाका प्रमुख सल्लाहकार  तिर्थ संगम राई, सल्लाहकार सिताराम थापा, राम प्रसाद पराजुली लगायतको उपस्थिति थियो ।

कार्यक्रममा नेपाली राजदूतावासका द्वितीय सचिव तथा कार्यक्रमका प्रमुख अतिथि प्रवीण भट्टराई, संस्थापक सदस्य एवं सल्लाहाकार क्रान्ति सिंह, संस्थापक सदस्य सरोज बास्तोला र पत्रकार तथा सामाजिक ब्यक्तित्व  रमेश ढकाल सम्मानित भएका थिए । सोही कार्यक्रममा दिप जङ्ग साह र सन्तोष केसी लाई प्रोत्साहन पत्र प्रदान गरिएको थियो ।
वार्षिक उत्सवको अवसरमा केक काटेर  सुचारु गरिएको कार्यक्रममा आयोजक संघका उपाध्यक्ष दिल कुमार श्रेष्ठले स्वागत मन्तव्य दिएका थिए ।
कार्यक्रम संयोजक  तिलु शर्मा पौडेल, शाखाका अनुशासन विभाग संयोजक दिप जंग शाह र सस्थापक सदस्य एबं सल्लहाकार क्रान्ति सिंहले पत्रकार महासंघ कतार तथा स्थापना दिवसबारे जानकारी दिएका थिए । कार्यसमिति सदस्य तथा पार्षद संयोजक खेमराज सुवेदीले पत्रकारहरूका समसामयिक समस्याहरूलाई समेटेर तयार पारेको आफ्नै छन्दात्मक “पत्रकार”  शीर्षकको  कविता वाचन गरेका थिए ।

कार्यक्रमका प्रमुख अतिथि भट्टराईले प्रवासमा रहेर गरिने पत्रकारिताको जटिलता, विश्वशनियता र  भोलीको दिनमा निम्ताउने अप्ठ्यारा परिस्थितीहरूसँग जुद्धै कलम चलाउनु बाध्यता भएको तर पनि समाचार लेखनमा सत्यता, निष्पक्षता हुनुपर्ने बताए । कार्यक्रमको सहजीकरण नेपाल पत्रकार महासंघ कतार शाखाका सचिव अर्जुन पौडेलले गरेका थिए ।