केराबारीबाट दुइवटा बन्दुक बरामद, बन्दुकवाला चाहिँ फरार

मोरङको केरावारी गाउँपालिका ८ स्थित आमजुङी जंगलबाट प्रहरीले दुईवटा भरुवा बन्दुक बरामद गरेको छ ।

इलाका प्रहरी कार्यालय केरावारीका प्रहरी नायव निरीक्षक बलदेव सुवेदीको नेत्रृत्वमा मोटरसाइकलमा रहेकोे गस्ती  टोलीले लोड गरिएका दुई बन्दुक फेला पारेको हो ।
गस्ती गर्दै प्रहरी टोली पुगेको देखेपछि मंंगलबार सांंझ दुई शंकास्पद व्यक्ति जंगलतिर भागेका थिए । प्रहरीका अनुसार भागेका व्यक्तिलाई पिछा गर्दै जंगल सर्च गर्ने क्रममा प्रहरीले लोड भएका दुईवटा भरुवा बन्दुक फेला पारेको थियाेे ।
बन्दुक छाडेर भागेकाहरुको भने पहिचान हुन नसकेको तर  उनीहरु जंगलमा अवैध रुपमा बन्यजन्तुको चोरी सिकारी गर्ने समूह भएको हुन सक्ने प्रहरीको आशंंका छ ।