देशकै उत्कृष्ट शिक्षक उत्पादन गर्ने शैक्षिक संस्थाको रूपमा स्थापित सुकुना बहुमुखी क्याम्पसले प्रावि तहको स्थायी शिक्षकमा नाम निकालेका २५ जना विद्यार्थीहरुलाई सम्मान गरेको छ ।

क्याम्पसले आइतबार एक विशेष कार्यक्रमको आयोजना गरी उनीहरुलाई बधाई सहित खदा लगाएर सम्मान गरेको हो ।

सम्मान कार्यक्रममा क्याम्पस प्रमुख अर्जुनराज अधिकारीले क्याम्पसको उत्कृष्ट शैक्षिक गुणस्तर र विद्यार्थीहरूको लगनशीलताले नै यो सफलता सम्भव भएको बताए।

त्यसैगरी सहायक क्याम्पस प्रमुख गणेशप्रसाद दाहालले विद्यार्थीहरुको निरन्तरता यस्तो सफलताले सुकुना बहुमुखी क्याम्पसले आफ्नो प्रतिष्ठा थप उच्च बनाएको बताए  ।

सम्मान कार्यक्रममा सहायक क्याम्पस प्रमुख बलराम पोखरेल, प्राध्यापक विदुरप्रसाद सुवेदी, स्ववियु सभापति सन्तोष लिम्बू लगायतको पनि उपस्थिति रहेको थियो ।

गत वर्ष सुकुना क्याम्पसका विद्यार्थी लेकीडोमा तामाङ र रविन राई नेपालकै कान्छा शिक्षक बन्न सफल भएका थिए।