धनकुटा कांग्रेसका संस्थापक तथा पूर्व क्याम्पस प्रमुख उपेन्द्र पोख्रेलको निधन

धनकुटा वहुमुखी क्याम्पसका पूर्व क्याम्पस प्रमुख नेपाल विद्यार्थी संघका संस्थापक तथा नेपाली कांग्रेस धनकुटका संस्थापक प्रजातान्त्रिक योद्धा उपेन्द्र पोखरेलको आइतबार राती निधन भएको छ ।
मुटु तथा पायल्स लगायत विभिन्न रोगबाट ग्रसित भै उपचार गराईरहनु भएका ७५ बर्षिय प्रजातान्त्रिक योद्धा तथा धनकुटाका वरिष्ठ समाजसेवी उपेन्द्र पोखरेलको  गए राती निधन भएको उहांकी छोरी मनुजा पोखरेलले वताउनु भयो ।
नेपाली कांग्रेस धनकुटका संस्थापक तथा प्रजातान्त्रिक योद्धा शिक्षाबिद पोखरेलको निधनले नेपाली कांग्रेसलाई अपुरणीय क्षती पुगेको नेपाली कांग्रेस धनकुटाका सचिव विजय सन्तोषी राईले शोक विज्ञप्ती जारी गर्दै उल्लेख गुर्न भएको छ । विगतमा धनकुटा कांग्रेसका संस्थापक उपेन्द्र पोखरेलले पार्टी संगठन विस्तार तथा सुदृढीकरणका लागी र प्रजातान्त्रिक आन्दोलनमा समेत अतुलनीय योगदान दिनु भएको पार्टी सचिव राईले वताउनु भयो ।

धनकुटा नगरपालिका वडा नं. ३ कचिडे स्थायी घर भई अहिले उपचारको क्रममा विराटनगर महानगरपालिका वडा नं. १० तिनटोलिया स्थित उहांको आफ्नै निवासमा निधन हुनु भएका धनकुटा कांग्रेसका संस्थापक प्रजातान्त्रिक योद्धा पोखरेलको एक श्रीमती वरिष्ठ समाजसेवी महिलाअधिकारकर्मी दुर्गा पोखरेल, छोरीहरु मनुजा,अनुजा, तनुजा र दिवा पोखरेल गरी चार छोरीहरु हुनुहुन्छ । स्वर्गीय उपेन्द्र पोखरेलको सोमबार  सम्मान पूर्वक अन्त्यष्टी गरिने भएको छ । – विजय राई, धनकुटा