केराबारीमा तीन घण्टामा डा.महाविर पुनका ३ सयभन्दा बढी पुस्तक विक्री

मंगलबार केराबारी ब्यापार प्रबन्ध समितिको संयोजनमा विभिन्न विद्यालय, गाउँपालिका सामाजिक संघसंस्थाहरुको सहकार्यमा गरिएको कार्यक्रममा ३ सय वढी पुस्तक विक्री भएको अभियान टोलीले जनाएको छ ।

राष्ट्रिय आविस्कार केन्द्रको सहयोगार्थ ३३९ औं दिन धरानलाई केन्द्र बनाएर सुरु गरिएको १८ औ दिन डा.महाविर पुनको पूस्तक विक्री अभियानको टोलीसंग समन्वय गरी केराबारीमा आयोजना गरिएको कार्यक्रममा केराबारी गाउँपालिकाबाट १०७ ओटा केराबारी व्यापारसंघको समन्वयमा ९९ ओटा, मच्छिन्द्र माविबाट ३३,सार्वजनिक माविबाट २३ र बजार क्षेत्रका विभिन्न व्यापारी व्यवसायीहरुबाट झण्डै ३५ ओटा गरी ३ सय २ ओटा पुस्तक विक्री भएको हो ।

पुस्तक विक्री राष्टिय अभियानमा निश्किनुभएका डा.पुनलाई केराबारी व्यापार संघले सम्मान समेत गरेका छ । सम्मान पछि डा.पुनले हाल सम्म खर्च कटाएर १० करोड वढी रकम संकलन भै सकेको बताउँनुभयो । सो पुस्तकको मूल्य ७ सय ५० रहेको छ । पुस्तक विक्री अभियानका क्रममा स्वतःस्फूर्त रुपमा स्थानीय व्यापारी व्यवसायी,शिक्षक विद्यार्थी,सामाजिक संघसंस्थाका अगुवा,गाउँपालिकाका कर्मचारीहरु बचत सहकारी संस्थाका शेयर सदस्यहरु लगायतले पुस्तक विक्री वितरण कार्यक्रममा सहभागि भई डा.पुनको हस्तवाहुलीबाट पुस्तक ग्रहण गरेका थिए ।

कार्यक्रम केराबारी व्यापार प्रबन्ध समितिका अध्यक्ष किशन शाहीको सभापतित्व तथा गाउँपालिका अध्यक्ष सुमन मिरिंगचिंग प्रमुख विशेष आतिथ्यतामा सम्पन्न भएको थियो । कार्यक्रम महासचिव अम्बिका भण्डारीले संञ्चालन गरेका थिए ।