मेची बहुउद्देश्यीय सहकारीको ३१ औँ साधारणसभा बेलबारी सेवाकेन्द्रमा सम्पन्न

मेची बहुउद्देश्यीय सहकारी संस्थाको २९ औँ वार्षिकोत्सव तथा ३१ औँ साधारणसभा बेलबारीमा सम्पन्न भएको छ ।
बेलबारी नगरपालिका–१ स्थित सांस्कृतिक भवनमा भएको बेलबारी सेवा केन्द्रस्तरीय साधारणसभामा सहकारीको विगत र भावी योजना प्रस्तुत गरिनुका साथै उत्कृष्ट कारोबार गर्ने सदस्यलाई सम्मानसमेत गरिएको छ ।
आर्थिक वर्ष २०८१/०८२ को असार मसान्तसम्म बेलबारी सेवा कार्यालयले ५० लाख ५१ हजार रुपैयाँ सेयर पुँजी संकलन गरेको छ । सो अबधिमा बचत ४ करोड ६३ लाख, कर्जा लगानी ५ करोड ३२ लाख र वासलात ५ करोड ९४ लाख पुगेको विवरण सार्वजनिक गरिएको छ । हालसम्म यस कार्यालयमार्फत १०७ सदस्यले ६ लाख ८८ हजार रुपैयाँ बराबरको सहुलियत सेवा उपभोग भएको सहकारीले जनाएको छ ।
साधारणसभामा उत्कृष्ट कारोबार गर्ने सदस्यहरू दिनेश राई, रामबहादुर बस्नेत, क्यारोलिना पन्त, मनीषा पाण्डे र कुमार श्रेष्ठलाई पुरस्कार प्रदान गरिएको छ । यसै गरी सामुदायिक विद्यालयतर्फ प्रथम सेयर सदस्य टिकाराम खत्रीका छोरा नोयन खत्रीलाई पनि सम्मान गरिएको छ ।
बेलबारी सेवा कार्यालय व्यवस्थापन उपसमितिका संयोजक सिता सुवेदीको अध्यक्षतामा भएको कार्यक्रममा मेची बहुउद्देश्यीय सहकारी संस्थाका सञ्चालक समिति अध्यक्ष नारायणप्रसाद भट्टराई, सञ्चालक सदस्यहरू नरपति पाण्डे, खेमराज घिमिरे, कृष्णप्रसाद शर्मा लुइँटेल, मञ्जु फुयल अधिकारी, लेखा सुपरिवेक्षण समितिका सदस्य गीता कुँवर, शिक्षा तथा तालिम व्यवस्थापन उपसमिति संयोजक लक्ष्मीप्रसाद दाहाल, बेलबारी सेवा कार्यालय व्यवस्थापन उपसमितिका सदस्य विमला राई र श्यामप्रसाद भण्डारीलगायतको उपस्थिति थियो ।