बेलबारी नपाको बिपत ब्यबस्थापन कोषमा रमिते वनले दियो एक लाख एघार हजार

कोरोना भाइरस रोग रोकथाम बेलबारी नगर समन्वय समितिले एकद्धार प्रणालीवाट राहत वितरण गर्ने निर्णय गरेसगै नगरपालिकाको बिपत ब्यबस्थापन कोषमा १७ लाख ४० हजार भन्दा वढी सकलन भएको छ ।

बेलबारी नगरपालिकाले स्थापना गरेको  १५ लाख रुपैयांँको कोषमा बेलबारी २ मा रहेको रमिते सामुदायिक बनले एक लाख १ हजार  १ सय ११ रुपैयांँ दिएको छ । साना किसान सहकारी संस्था बेलबारी १ ले २५ हजार र ११ ले १५ हजार, दिपजोति नारी विकास बचत तथा ऋण सहकारी संस्थाले पच्चीस हजार, सुनाखरी बहुउदेश्यीय सहकारी संस्थाले ११ हजार १ सय ११, गोल्डेन फयूचर सहकारी सस्थाले १० हजार र लालभित्ति बचत तथा ऋण सहकारीले १० हजार रुपैयांँ बिपत कोषका लागि बुझाएको बेलबारी नगरपालिकाका मेयर ज्ञानेन्द्र सुवेदीले बताए ।

यस्तै श्याम पान्डेले ५१ हजार बेलबारी नगरपालिकका कर्मचारी मदन रायमाझिले एक महिना बराबरको तलब २८ हजार, नगरपालिकाकै अर्का कर्मचारी निर्मल रिजालले दुई हजार पाँचसय र बेलबारी वडा न.६का मिलन राइले २५ सय रुपैया रकोषमा जम्मा गरीसकेको मेयर सुवेदीले बताए । बेलबारी जेसिजले १३सय २५ किलो चामल नगरपालिकामा बुझाएको छ । जम्मा भएको रकम जनप्रतिनिधि र कर्मचारी वाहेककको रहेको नगरपालिकाले जनाएको छ ।

एनएमवि बैक शाखा कार्यालय बेलबारीमा रहेको खाता नम्बर ०५४००६२१२४६०००११ मा राजनितिक दल, गैरसरकारी संघसस्था, निर्माण ब्याबशायी,वित्तिय संघसंस्था तथा ब्यक्तिहरुलाई सहयोग गरिदिन नगरपालिकाले अपिल गरेको छ ।