एनप्याब्सनद्वारा बेलबारीमा हाजिरीजवाफ सम्पन्न, जिल्ला स्तरीय प्रतियोगिताको तयारी

जिल्ला स्तरीय प्रतियोगिताको तयारीका लागि बेलबारीमा पालिका स्तरीय हाजिरीजवाफ प्रतियोगिता सम्पन्न भएको छ।
एनप्याब्सन बेलबारीको आयोजनामा बेलबारी नगरपालिका वडा नं.३ अवस्थित बेलबारी बहुमुखी क्याम्पसको सभाहलमा बुधबार प्रतियोगिता भएको हो । बेलबारी नगरपालिकाका नगर प्रमुख दिल प्रसाद राईको प्रमुख आतिथ्यता र एनप्याब्सन मोरङका अध्यक्ष नारायण प्रसाद ढकालको बिशेष आतिथ्यतामा भएको कार्यक्रमको अध्यक्षता एनप्याब्सन बेलबारीका अध्यक्ष पर्वत खालिङ्ग राईले गरेका थिए ।
प्रतियोगितामा माध्यमिक तहतर्फ मोरङ ज्ञानोदय ई स्कुल प्रथम, कसेनी मोडल ई स्कूल दोस्रो र मोरङ चिनारी ई स्कुल तेस्रो भएका छन् । त्यस्तै आधारभुत तर्फ डेल्टा इ सकुल प्रथम, मोरङ ज्ञानोदय दोस्रो र कसेनी मोडल तेस्रो भएर जिल्लामा हुने प्रतियोगिताका लागि छनौट भएका छन् ।
एनप्याब्सन मोरङले श्रावन २६ गते आयोजना गर्न लागेको जिल्ला स्तरीय हाजिरीजवाफ प्रतियोगितामा पहिलो दोस्रो र तेस्रो हुने विद्यालयले भाग लिन पाउने भएकोले सहभागीहरुको छनौट गर्न प्रतियोगता आयोजना गरिएको एनप्याब्सन बेलबारीका अध्यक्ष राईले बताए ।
प्रतियोगितामा एनप्याब्सन मोरङ अध्यक्ष नारायण ढकाल, एनप्याब्सन कोशी प्रदेश सहसचिव’ कमल खनाल, एनप्याब्सन मोरङ सचिव अनिरुद्र चौधरी, बेलबारी नगरपालिका शिक्षा शाखा प्रतिनिधि सुशील बोहोरा लगायतको उपस्थितिमा रहेको थियो।