खोर्सानेले जित्यो प्रथम बेलबारी लालभित्ती खुल्ला नकआउट फुटबलको उपाधी 

नेपाल खेलकुद महासंघ बेलबारीद्वारा आयोजित प्रथम बेलबारी लालभित्ती खुल्ला नकआउट फुटबल प्रतियोगिताको उपाधी सुन्दर खोर्साने फुटबल क्लबले जितेको छ ।

बेलबारी नगरपालिका वडा नं.२ स्थित बागदेवी खेलमैदानमा भएको   प्रतियोगिताको शनिवार भएको फाइनल खेलमा चुलाचुली स्र्पोटिङ क्लबलाई २–० गोल अन्तरले हराउदै सुन्दर खोर्सानेले उपाधी हात पारेको हो ।

सुन्दर खोर्सानेका जर्सी नं.३० का खेलाडी सुसील राईले खेल सुरु भएको २ मिनेटमै गोल गरेका थिए । सोही टीमका जर्सी नं.१७ का खेलाडी सुजन मगरले खेलको २२ मिनेटमा थप एक गोल गरेपछि चुलाचुलीले कुनै गोल फर्काउन नसक्दा सुन्दर खोर्सानेको जित सुनिश्चित भएको थियो ।
विजेता टिमले ट्रफी, मेडल, प्रमाणपत्र र नगद पुरस्कार रु.५१ हजार प्राप्त गरेका छन भने उपविजेताले ट्रफी, मेडल, प्रमाणपत्र र नगद पुरस्कार रु.३१ हजार प्राप्त गरेका छन ।फाइनल खेलको मेन अफ द म्याच सुसिल राई घोषित भएका छन ।

प्रतियोगिताको उत्कृष्ट गोल रक्षक सुन्दर खोर्सानेका प्रमोज गच्छदार, बेस्ट डिफेन्डर महेन्द्र कार्की, सर्वाधिक गोल कर्ता सुजन मगर, उत्कृष्ट प्रशिक्षक काजीहाङ लिम्बु, मेन अफ द सिरिज रोहन कार्की, वेस्ट फरवाड चुलाचुलीका पुजन चौधरी र वेस्ट राइजिङ खेलाडी लालभित्ती फुटबल क्लबका गगन श्रेष्ठ घोषित भए ।