एनपिएलबाट बाहिरिने दोस्रो टीम बन्यो विराटनगर

पोखरा एभेन्जर्ससँगको खेलमा पराजित भएसँगै विराटनगर प्रतियोगिताबाट बाहिरिने दोस्रो टोली बनेको छ ।
नेपाल प्रिमियर लिग (एनपिएल) मा दोस्रो जित हासिल गर्ने क्रममा पोखराले बिहीबारसुपर ओभरमा विराटनगर किङ्सलाई पराजित गरेपछि विराटनगर प्रतियोगिताबाट बाहिरिने दोश्रो टीम बनेको हो । खेलमा पोखराले सुपर ओभरमा विराटनगरलाई १३ रनले पराजित गरेको थियो ।
बिराटनगर पहिलो खेलमा जनकपुर बोल्ट्स र अर्को खेलमा सुदूरपश्चिमसँग पराजित भएको विराटनगरले तेस्रो खेलमा लुम्बिनीलाई हराएको थियो । चौथो खेलमा फेरि कणर्ालीसँग पराजित भएको थियो ।
पहिलो खेलमा चितवन र दोस्रो खेलमा जनकपुरसँग पराजित पोखराले तेस्रो खेलमा लुम्बिनीमाथि जित हात पारेको थियो । तर, पाँचौ खेलमा कणर्ाली याक्ससँग हार बेहोरेको थियो । नेपाल प्रिमियर लिग (एनपिएल) मा बिहीबार भएको पहिलो खेलमा पोखरा एभेन्जर्सले विराटनगर किंग्सलाई १३ रनले पराजित गर्‍यो ।
विराटनगर किंग्सले पोखरा एभेन्जर्सलाई १ सय ४० रनको लक्ष्य दिएको थियो । कीर्तिपुरस्थित टियु मैदानमा भएको खेलमा विराटनगरले निर्धारित २० ओभरको खेलमा ७ विकेट गुमाएर १ सय ३९ रन बनाएको थियो । सुपर ओभरमा ै विराटनगरले १९ रनको लक्ष्य पायो । १९ रनको लक्ष्य पछ्याउन विराटनगर मात्र ५ रनमा सिमित भयो ।
त्यसअघि विराटनगरले दिएको १ सय ४० रनको लक्ष्य पछ्याएको पोखराले २० ओभरमा ६ विकेट गुमाएर १ सय ३९ रन मात्र बनाए पछि खेल सुपर ओभरमा पुगेको हो । एनपिएल इतिहासकै यो पहिलो सुपर ओभर हो । दुवै टोलीको स्कोर बराबर भएपछि खेल सुपर ओभरमा पुगेको थियो । लुम्बिनी लायन्स बुधबार प्रतियोगिताबाट बाहिरिने पहिलो टोली बनेको थियो ।