नायक राजेश हमाल र प्रदेश प्रमुख खापुङको उपस्थितिमा रेडस्टारमा विभिन्न कार्यक्रम

भुमिप्रसाद पाठक

पथरी शनिश्चरे वडा नं २ मा रहेको श्री रेडस्टार अङ्ग्रेजी माध्यमिक विद्यालय तथा ऋतम्भरा कलेजले नायक राजेश हमाल र कोशी प्रदेश प्रमुख पर्शुराम खापुङको उपस्थितिमा विभिन्न कार्यक्रम गरेका छन् ।

मोरङको पथरी शनिश्चरे वडा नं २ मा रहेको श्री रेडस्टार अङ्ग्रेजी माध्यमिक विद्यालय तथा ऋतम्भरा कलेजका विद्यार्थीहरुका लागि आयोजित स्वागत तथा अभिमुखीकरण कार्यक्रममा शुक्रबार कोशी प्रदेश प्रमुख पर्शुराम खापुङले मुलुक विविध जातजाति, भाषा, धर्म , संस्कृति विविधतालाई स्वीकार गर्दै एकताको सूत्रमा अगाडि बढ्नु आजको आवश्यकता भएको बताउनुभयो ।
उहाँले नेपाल विविध जातजाति, भाषाभाषी, संस्कृति भएको साझा फूलबारी भएको बताउनुहुँदै राष्ट्रिय अखण्डता र एकतालाई मजबुत बनाउनुपर्नेमा जोड दिनुभयो।
कार्यक्रमको शैक्षिक प्रगति विवरण प्रस्तुत गर्दै विद्यालयका निर्देशक तथा प्रिन्सिपल टीएन तिम्सिनाले विद्यालयले विगत ७ वर्षदेखि निरन्तर उत्कृष्ट नतिजा हासिल गर्दै आएको बताउनुभएको थियो । उहाँले विद्यालयले विगत सात वर्षदेखि एसइई र कक्षा १२ को नतिजामा उत्कृष्ट आएको र हालै प्रकाशित राष्ट्रिय परीक्षा बोर्ड अनुसार उक्त विद्यालयबाट कक्षा १२ मा ३.९६ जिपिए ल्याउन सफल चन्दन शाहलाई प्रदेश प्रमुख पर्शुराम खापुङ र महानायक राजेश हमालले सम्मान गर्नुभएको थियो।
सोही क्रममा नेपाली चलचित्रका सुपरस्टार राजेश हमालले एक अब्बल दर्जाको रूपमा स्थापित शैक्षिक हब’ बन्न सफल रेडस्टार मावि र ऋतम्भरा कलेजका विद्यार्थीलाई थप शैक्षिक उन्नतिका लागि शुभकामना व्यक्त गर्नुभएको भयो।
उहाँले कक्षा ११ र ऋतम्भरा कलेजका बि.बि.एस. प्रथम वर्षमा भर्ना भएका सबै विद्यार्थीहरुलाई उत्प्रेरणात्मक सन्दर्भ र अनुभव प्रस्तुत गर्दै अभिमुखीकरण गर्नुभएको थियो।
उक्त अवसरमा विद्यार्थीहरूले गाएर र नृत्य प्रस्तुत गरेर महानायक राजेश हमालाई स्टेजमा छमछमी नचाएका थिए।
उक्त अवसरमा पथरिशनिश्चरे नगरपालिकाकी उप -प्रमुख देवि माया काफ्ले , उक्त अवसरमा मोरङका प्रमुख जिल्ला अधिकारी इन्द्रदेव यादव ,पथरी शनिश्चरे नगरपालिकाका शिक्षा, युवा तथा खेलकुद शाखाका प्रमुख नवीन खुलाल बुढाथोकी, विभिन्न वडाका वडाध्यक्षहरू क्रमश:
नैना राई, लोक किरण न्यौपाने, विजय लिम्बु, उद्घव बस्नेत, कृष्णबहादुर बस्नेत उद्ववराज बस्नेत, ईलाका प्रहरी कार्यालय पथरीका डीएसपी तुलसीराम अर्याल, लगायत उपस्थित रहेको थियो।