एएनएसटीद्वारा एयर होस्टेस प्रशिक्षणमा पूर्ण तथा आंशिक छात्रवृत्ति घोषणा

एभियोट्रेस नेपाल स्कूल अफ टेक्नोलोजी (एएनएसटी) ले संगठनको पाँचौं वार्षिकोत्सवमा एयर होस्टेस प्रशिक्षणका लागि पूर्ण र आंशिक छात्रवृत्ति घोषणा गरेको छ । 

कम्पनीका महाप्रबन्धक दिवस पोखरेलका अनुसार एभियट्रेस नेपाल स्कूल अफ टेक्नोलोजी (एएनएसटी) ले योग्य विद्यार्थीहरूको लागि एयरहोस्टेस प्रशिक्षणमा छात्रवृत्ति कार्यक्रम घोषणा गरेको हो ।

यो छात्रवृत्तिले विद्यार्थीहरूलाई उड्डयन महत्वाकांक्षा प्राप्त गर्न मद्दत गर्दछ। त्यो मात्र होईन, एएनएसटी ले भर्ना हुने विद्यार्थीहरूलाई उनीहरूको +२ प्रमाणपत्र अनुसार छात्रवृत्ति पनि पाउने बताएको छ ।

एएनएसटी महाप्रबन्धक पोखरेल आनुसार, “हामीलाई यो पनि सचेत छ कि धेरै विद्यार्थीहरूले आफ्नो उच्च माध्यमिक शिक्षा पूरा गरे पछि आर्थिक अभावले उच्च शिक्षा पूरा गर्न सक्दैनन्।”

“हामी एक एभीएसन कलेजको रूपमा यस्ता विद्यार्थीहरूलाई पूर्ण र आंशिक छात्रवृत्ति प्रदान गरेर समर्थन गर्न चाहन्छौं ताकि तिनीहरू एयरहोस्टेस प्रशिक्षण जस्ता व्यावसायिक पाठ्यक्रममा सामेल हुन, उड्डयन कार्यक्षेत्रमा प्रवेश गर्न सक्नेछन् र आर्थिक रूपमा स्वतन्त्र हुन सक्छन्।”

एएनएसटीले जेटस्ट्रीम विमानवाट तालिम दिदै आएको छ ।