बिश्वकै प्रभावशाली ३० जनाको सूचीमा परिन् नेपाली चेली श्रेया गिरी

काठमाडौंकी श्रेया गिरी विश्वप्रसिद्ध ‘फोर्ब्स म्यागेजिन’ को प्रभावशाली ३० जनाको सूचीमा एशियाबाट छानिएकी छिन्  ।

‘सोसल इम्प्याक्ट’ विधामा उनी सन् २०२४ को एशियाका प्रभावशाली युवाको सूचीमा परेकी हुन् । २८ वर्षीया गिरी मानसिक स्वास्थ्य सम्बन्धी डिजिटल प्लेटफर्म ‘ह्याप्पी माइन्ड्स’ की संस्थापक हुन् ।
लण्डनमा स्नातकोत्तर अध्ययन गरिरहँदा कोभिड महामारी फैलिएपछि अध्ययन सकेर नेपाल फर्किएकी उनले ‘ह्याप्पी माइन्ड्स’ सुरु गरेकी थिइन् । मानसिक स्वास्थ्य समस्याबाट सिर्जित नकारात्मक दृष्टिकोण र विश्वासजन्य चुनौतीहरूविरुद्ध काम गर्न नेपाल फर्किएकी गिरीले सुरु गरेको ह्याप्पी माइन्ड्सले भौतिक र भर्चुअल (अनलाइन) बाट मानसिक परामर्श दिनुका साथै समूहमा विभिन्न वर्कसपहरू चलाउँदै आएको छ ।