आफ्नै विद्यार्थीलाई गर्भ बोकाए धराने हेडसरले, पापीलाइ चोख्याउन अनेक चलखेल

सुनसरीको धरान उप-महानगरपालिका ८ स्थित ल्याबोरेटरी माविका प्रधानाध्यापक रुद्रबहादुर लुङ्वाले आफ्नै विद्यार्थीलाई गर्भवती बनाएको रहस्य खुलेको छ ।

विद्यार्थी गर्भवती भएको हल्ला विद्यालयमा चल्न थालेपछि घर विदा मिलाएर विद्यालयका प्रधानाध्यापक लुङ्वा विदामा बसेका छन् । गर्भ बोकेकी विद्यार्थी कहाँ छिन् भन्नेबारे सार्वजनिक भएको छैन ।
विद्यालयमा प्रअको चरित्रबारे ठूलै खैलाबैला मच्चिएपछि गत फागुन १२ गतेदेखि फागुन २३ गतेसम्म बिदामा बसेका थिए । गत फागुन १५ गते गोरखा डिपार्टमेन्ट स्टोरमा विद्यालय व्यवस्थापन समितिका अध्यक्ष मैतबहादुर तामाङको अध्यक्षतामा गोप्य बैठक बसी अन्य विद्यालयमा स्थानान्तरण गर्ने निर्णय गरिएको थियो ।

ब्यबस्थापन समितिले समेत जागिरबाट निकालेर कानुनी कारबाही गर्नुको सट्टा अन्य विद्यालयमा सरुवा मात्र गर्न खोजेपछि मामिला झन् रहस्यमय बनेको छ । लुङ्वा अहिले विभिन्न चलखेल गर्दै पुनः विद्यालयमा फर्किनेे कसरतमा लागेका छन्  । विद्यालयका शिक्षक शिक्षिकाहरु पनि प्रअ लुङ्वालाई कुनै हालतमा विद्यालयमा काम गर्न दिन नहुने पक्षमा छन् ।

गतवर्ष प्रअ लुङ्वाले नै करिब ३५ वर्षिय एक विद्यार्थीलाई कक्षा ८ मा ल्याएर विद्यालय भर्ना गरेका थिए । ती विद्यार्थीलाई विद्यालय भर्ना गरेपछि नै प्रधानाध्यापकको चरित्र शंकास्पद रहेको विद्यालयका शिक्षकहरु बताउँछन् । उनी प्रअ रुद्रबहादुर लुङ्वाको कार्यकक्षमा आएर बस्ने लगायतका शंकास्पद गतिविधि गर्दै आएको शिक्षकहरुले बताएका छन् । – बेतना दैनिकको सहयोगमा