फागुन १७ देखि हराएकी रमिलाको हत्या भएको पुष्ठी, गुरुङद्वारा कोशीमा फालेको बयान

फागुन १७ गते शुक्रबार रातिबाट हराईरहेकी मोरङको बेलबारी ४ की एक महिलाको हत्या गरी कोशीमा फालिएको खुलेको छ ।

स्थानीय २६ बर्षिया रमिला राई गायब भएपछि सोही घटनाको अनुसन्धानका लागि गत शुक्रबार नेकपा बेलबारीका नेता योगेन्द्र गुरुङलाई ईलाका प्रहरी टोलीले ईलामबाट पक्राउ गरेको थियो । प्रहरीका अनुसार अनुसन्धानका क्रममा उनले  महिलाको हत्या गरी कोशीमा फालिएको स्वीकार गरेका छन्  । उनको बयानका आधारमा कोशीमा २ दिनदेखि प्रहरीले शव खोजेपनि फेला पार्न सकेको छैन ।
फागुन १७ गतेबाट हराईरहेकी महिला नभेटिएपछि बेलबारी प्रहरीले अनुसन्धान गर्ने क्रममा शुक्रबार गुरुङलाई नियन्त्रणमा लिएको थियो ।

गुरुङ समेत बेलबारी छोडेर सम्पर्कबिहिन भएपछि प्रहरी उनको पछि लागेको थियो । प्रहरीले शुक्रबार नै गुरुङले प्रयोग गर्दै आएको बा.१५ प ७९१६ नम्बरको कार घरबाटै नियन्त्रणमा लिएको थियो ।
महिला हराएको रात उनीहरुसँगै रहेको र भोलिपल्टसम्म महिला घर र्किएपछि परिवारले खोजीका लागि प्रहरी गुहारेका थिए । महिला हराएपछि गुरुङले ईलाका प्रहरी कार्यलय बेलबारीका प्रहरी निरिक्षक रामकुमार राईलाई फोन गरी तनाव भयो, गर्लफ्रेण्ड हराई भन्दै फोन गरेको र अनुसन्धानको सुई उनीतिरै सोझिएपछि केही वकिलको सल्लाहमा उनी भागेको उनले बयान दिएको प्रहरीले बताएको छ ।

बेलबारी ४ बुधबारे निबासी ति महिला पहिलो श्रीमानसँग सम्बन्ध बिच्छेद गरेर माईतीघरमा बस्दै आएकी थिईन् । गुरुङका भने श्रीमती र छोराहरु काठमाण्डौमा बस्दै आएका छन् । गुरुङ नेकपा एमालेका पुर्ब बेलबारी अध्यक्ष,नोबेल अस्पताल बेलबारीका अध्यक्ष तथा लोहिन्द्रा साझेदारी बनका समेत अध्यक्ष हुन, बेेेतनामा खबर छ ।

यो पनि पढ्नोस –

फागुन १७ देखि कहाँ बेपत्ता भइन् बेलबारीकी यी महिला ? अनि किन पक्राउ परे योगेन्द्र ?