बैशाखभित्र सबै योजना सम्पन्न गर्ने लक्ष्य सहित समापन भो बेलबारीको चौथो नगरसभा

मोरङको बेलबारी नगरपालिकाले वैशाख महिना भित्र विकास निर्माणका काम सक्ने लक्ष तय गर्दै चौथो नगरसभा सम्पन्न गरेको छ ।

१० गते बजेत तथा नति कार्यक्रम ल्याएको नगरपालिकाले ३१ गते बजेट पास गरेको छ । ३१ गते मगलवार वसेको बैठकले बजेट तथा निति कार्यक्रम पास गर्दै बैशाख महिना भित्रमा नगरपालिकाले सचलन गरेका योजना सक्ने मेयर ज्ञानेन्द्र सुवेदीले बताए । नगरपालिकाले आर्थिक वर्ष ०७६/०७७ का लागि १ अर्ब ९१ लाख ९० हजार बराबरको बजेट विनियोजन गरीसकेको छ । चौथो नगरसभामा नगरपालिकाले पूँजीगततर्फ ४२ करोड ५० लाख ५८ हजार विनयोजन गरेको छ भने चालु खर्चतर्फ ५८ करोड ४१ लाख ३२ हजार अर्थात ५७ दशमलव ८८ प्रतिशत बजेट विनियोजन गरी सकेको छ । यस्तै प्रशासनिक कार्यमा वडास्तरीय कार्यालय सञ्चालनको लागि ६० लाख ५० हजार र नगरपालिकातर्फ १२ करोड १८ लाख ५९ हजार गरी १२ करोड ७९ लाख ९ हजार विनियोजन गरिएको छ । आर्थिक विकासतर्फ ४ करोड १२ लाख ६० हजार बराबरको रकम विनियोजन गरेको छ । सामाजिक विकासतर्फ २४ करोड ८४ लाख ६ हजार बराबरको रकम विनियोजन नगरपालिकाले गरेको थियो ।
सार्वजनिक सेवा तथा क्षमता विकासतर्फ १ करोड १६ लाख ३३ हजार बराबरको रकम विनियोजन प्रस्ताव गरिएको थियो भने वातावरण तथा नगरस्तरीय वातावरणीय तथा विपद् व्यवस्थापन कार्यक्रममा ६० लाख र वडास्तरीय कार्यक्रममा १० लाख ५१ हजार गरी जम्मा ७० लाख ५१ हजार बजेट छ । भौतिक पूर्वाधार विकासतर्फ २८ करोड ९६ लाख ४७ हजार बराबरको रकम विनियोजन प्रस्ताव गरिएको छ । त्यसैगरी लागत सहभागितामा ३ करोड बराबरको बजेट तथा कार्यक्रम समावेश गरिएको छ ।

नगरपालिकाले यसै बर्ष दमकल र शव वाहन खरीद गर्ने जनाइएको छ । नगरपालिकाले शव वाहनका लागि ३० लाख र दमकलका लागि ७० लाख रुपैयाँ बजेट विनियोजन गरेको छ ।

गर्भवती महिलाको निःशुल्क गर्भपरीक्षण साथै असहाय र बेवारिशेको मृत्यु हुँदा उनीहरूको दाहसंस्कार नगगरपालिकाले गर्ने भएको छ । बोयर जातको बाख्रा पालनका लागि नगरपालिकाले विशेष प्राथमिकता दिएको छ । जसका लागि १ करोड २५ लाख रुपैयाँ नगरपालिकाले विनियोजन गरेको छ । बेलबारी–८ रइझारमा रहेको कयरखोलामा पक्की पुल निर्माण गर्नका लागि नगरपालिकाले डीपीआर बनाई काम थाल्ने जनाएकोे छ ।
बेलबारी–१ मा २२ करोडको लागतमा व्यापारिक कम्प्लेक्स निर्माण गरिने र गरीबसँग नगरपालिका कार्यक्रमलाई निरन्तरता दिने जनाइएको छ । स्वास्थ्य चौकी नभएका वडामा आगामी वर्ष स्थापना गरिने नगरशभमा पेश गरेको थियो ।

होमस्टे सञ्चालनका लागि प्रक्रिया अघि बढाइने नगरशभामा पेश गरीएको थियो ।
लोहोन्द्रा र चिसाङ खोलामा तटबन्ध, हुलाकी मार्ग कालोपत्रे, पेट्रोलखानीको उत्खनन गर्न र शीतभण्डार निर्माण गर्न पनि बजेट छुट्याइएको थियो कृषिलाई यन्त्रिकरण गर्न, निजी क्षेत्रको लगानीलाई प्रोत्साहन गर्न आवश्यक काम गरिने र खेलकुद विकासका लागि कभर्ड हल तथा रङ्गशाला निर्माण गर्न प्रदेश तथा सङ्घीय सरकारसँग रकम माग गरिने उल्लेख छ ।