घरघरमा सामाजिक सुरक्षा भत्ता पुर्याउँदै बेलबारी नगरपालिका

केशु विरही, बेलबारी, मोरङ\कोरोना भाईरस (कोभिड –१९) का कारणले विश्व नै आक्रान्त भैरहेको र कोरोनाको संक्रमण फैलिन नदिन पुरै देश लकडाउनमा भएको बेला बेलबारी नगरपालिकाले घरघरमा सामाजिक सुरक्षा भत्ता पुर्याउन थालेको  छ ।

वैंक था वित्तीय संस्थाहरु बन्द रहँदा वृद्धवृद्धाहरुले राज्यले उपलव्ध गराउँदै आएको सामाजिक सुरक्षा भत्ता समेत लिन नपाइरहेका बेला बेलबारी नगरपालिकाले वृद्धवृद्धालाई घरघरमा सामाजिक सुरक्षाभत्ता पुर्याउन थालेको हो ।

लकडाउनका कारणले यातायात थप्प हुँदा बैंकमा गएर राज्यले दिँदै आएको सामाजिक सुरक्षा भत्ता समेत लिन नसक्ने अवस्थाका वृद्धवृद्धाका लागि सामाजिक सुरक्षा भत्ता नगरपालिकाले घरघरमा पुर्याउन थालेको हो ।

लकडाउनले गर्दा राज्यले उपलव्ध गराउने सामाजिक सुरक्षा भत्ता समेत निकाल्न असमर्थ भैरहेको बेलामा वार्डले बैंकसँग सहकार्य गरेर वार्डभरिका वृद्धवृद्धा, अपाङ्ग तथा अशक्तहरुहरुलाई घरघरमा रकम पुर्याउन थालेको बेलबारी नगरपालिका वार्ड नं २ का अध्यक्ष घनश्याम गौतम बताउछंँन ्।

अध्यक्ष गौतम वाडको खाता वाणिज्य बैंक बेलबारी शाखामा रहेकोले बैंकसँग सहकार्य गरेर वृद्धवृद्धाहरुका घरघरमा पुगेर उनीहरुलाई चेकमा साईन गराएको र बैकबाट पैसा झिकेर उनीहरुलाई घरघरमा पुर्याएको बताउंँछन् ।
११ वटा वाडामा विभाजित यस नगरपालिकामा हालसम्म वार्ड नं २ सामाजिक सुरक्षा भत्ता पाउनेको सङ्ख्या ४७४ जना महिला तथा २२४ पुरुष गरी जम्मा ६९८ रहेकाे छ ।

बेलबारी नगरपालिकाले मात्र यस्तो प्रकृतिको कार्यक्रमको सुरु गरेको हो । अन्य स्थानीले भने हालसम्म यस्ता प्रकृतिका कार्यक्रम ल्याउन सकेका छैनन् ।

यसरी भत्ता बाड्दा भिडभाड हुन्छ भनेर वाडा कार्यालयले सकेसम्म घरघरमा नभए पनि टोलविकास संस्थामा पुगेर सामाजिक दुरी समेत कायम गर्दै सामाजिक सुरक्षा भत्ता बाडिरहेको छ ।
वार्ड कार्यालयले संचालन गरेको यसकार्यलाई वाडवासीले भने एक असल अभिभावकले सम्पादन गर्ने कार्य वा भूमिकाको रुपमा लिएका छन् ।
यस्तो विषम परिस्थितिमा वार्ड कार्यालयले गरेको कार्य उदाहरणीय रहेका बेलबारी –२, लालभित्तीका स्थानीय समेत रहेका शिक्षा सन्देश शैक्षिक प्रतिष्ठानका अध्यक्ष लक्ष्मण जङ्ग थापा बताउछन् ।

वृद्धवृद्धाहरु पनि नगरपालिकाले घर दैलामै भत्ता ल्याइदिँदा फुरुङ थिए । घरघरमै भत्ता ल्याइदिएकोमा वाड कार्यालयलाई धन्यवाद दिँदै अरु बेलबामा पनि यसरी नै घरघरमै भत्ता ल्याइदिन अनुरोध गर्दै थिए ।

अब सङ्घीय तथा प्रदेस सरकारको भर पर्नु पर्दैन, आफ्नै गाउँमा सरकार छ भन्ने अनुभूति दिलाउने बेलबारी नगरपालिकाको काम आफैमा उदाहरणीय र त्यतिकै अनुकरणीय पनि छ । अरु स्थानीयपालिकाहरुले पनि बेलबारी नगरपालिका वार्ड नं – २ लालभित्तीकाे अनुकरण गर्ने पाे हाे कि ?