रहेनन् कांग्रेस नेता तथा सुशीलका भाइ अशोक कोइराला

नेपाली कांग्रेसका नेता अशोक कोइरालाको ७७ वर्षको उमेरमा निधन भएको छ ।

निमोनियाको समस्या झेलिरहेका उनी घरैमा अचानक अचेत भएपछि बुधबार राति बिराटनगरस्थित न्युरो अस्पताल भर्ना गरिएको थियो । उपचारकै क्रममा बिहीबार बिहान उनको निधन भएको थियो । कोइराला पूर्वप्रधानमन्त्री तथा नेपाली काँग्रेसका पूर्व सभापति सुशील कोइरालाका कान्छा भाइ हुन् ।

कोइराला कोइराला नेपाली कांग्रेस मोरङका पूर्व सभापति, राष्ट्रिय सभाका पूर्व उपाध्यक्ष,  संविधानसभाका सदस्य र विराटनगरका पुर्व मेयर समेत हुन् । उनी २०४८ सालको स्थानीय निर्वाचनबाट विराटनगर उपमहानगरको पहिलो मेयरमा विजयी बनेका  थिए । अशोक पूर्वप्रधानमन्त्री तथा नेपाली कांग्रेसका पूर्व सभापति सुशील भाइ अशोक नेपाली कांग्रेसका महासमिति सदस्य हुन् । उनी २०४४ सालमा नेपाली कांग्रेसको जिल्ला सभापति बनेका थिए ।