माओवादी केन्द्रद्वारा धनकुटाबाट चुनाव लड्ने संघीय तथा प्रदेश उम्मेदवारहरु सिफारिस

नेकपा माओवादी केन्द्रले गायक शम्भु राईसहित धनकुटाबाट प्रतिनिधि सभा सदस्यका प्रत्यक्ष र समानुपातिक तथा प्रदेशसभाका प्रत्यक्ष उम्मेदवारहरु सिफारिस गरेको छ ।

नेकपा माओवादी केन्द्रले धनकुटामा बिहीबार पत्रकार सम्मेलन गरी आफ्ना उम्मेदवारहरु सार्वजनिक गरेको हो ।
माओवादी धनकुटाले प्रतिनिधि सभाको प्रत्यक्षतर्फ  २०७४ सालको निर्वाचनमा निर्वाचित संविधान सभा सदस्यसमेत रहेका माओवादीका पोलिटब्युरो सदस्य हेमराज भण्डारीलाई सिफारिस गरेको छ माओवादीले प्रतिनिधि सभाको समानुपातिक उम्मेदवारका लागि गायक शम्भु राइसहित तिलकप्रसाद राई र प्रेम दालाहाङको नाम सिफारिस गरेको छ ।
त्यस्तै केन्द्रले प्रदेश क को प्रत्यक्ष तर्फ भुमिराज देवान,भरतसिंह राई, शोनाम लामा र इन्द्र खत्रि तथा समानुपातीक तर्फ ऋषिराम ढुंगना , डिल्लीराम राई,स्मीता निरौला, हेमचन्द्र किराती,विष्णुमाया कन्दङवालाई सिफारीस गरेको छ ।
प्रदेश ख प्रत्यक्ष तर्फ नगेन्द्र गहतराज,कुशुम कुमारी श्रेष्ठ,दुर्गा कुवर र मुक्ती बजगाई सिफारीसमा परेका छन ।  प्रदेश ख समानुपातिक तर्फ विष्णु पारघरी,युगल राई, सरिता बराईली, दिपक आले मगर र चिरन्जीवी राईलाई सिफारीस गरेको हो ।

पत्रकार सम्मेलनमा बोल्दै नेता हेमराज भण्डारीले सधै गठबन्धन र सहमतिको नाममा आफुहरु र पार्टीलाइ जिल्लामा पछि पारिएको र माओवादीको अस्थित्व नै नामेट पार्न खोजेको भन्दै यस पटक प्रतिनिधि सभाको प्रत्यक्ष तर्फ आफ्नो उम्मेदवारी रहेको बताए । अन्य दलहरुले धनकुटाको दीर्घकालीन बिकासका लागि केहि गर्न नसकेको भन्दै उनले धनकुटाको विकास र संमृद्धीको लागि माओवादी बाहेक अन्य विकल्प नरहेको ठोकुवा गरे ।