डेढ करोडभन्दा बढी लगानीमा गुवाबारी डाँडामा बन्यो भ्यु टावर सहितको होटल

प्रशान्त निरौला, लेटाङ  मोरङ ।  पछिल्लो समय पर्यटकीयस्थलका रुपमा परिचित हुदै गएको लेटाङ नगरपालिका  ६ स्थित गुवाबारीको डाँडामा करोड लगानीमा भ्यु  टावर संचालनमा आएको छ ।

लेटाङ ६ निवासी कृष्ण चेम्जोङको परिवारले  डेढ करोडको लागतमा ‘क्रिमिया होटेल एण्ड भ्यु पोईन्ट’ निर्माण गरी सञ्चालनमा ल्याएको हो ।  भ्यु टावर निर्माण भएसँगै हाल सो क्षेत्र आकर्षणको केन्द्र बनेको छ । १९ रापनी जग्गामा निर्मित  ‘क्रिमिया होटेल एण्ड भ्यु पोईन्ट’  संचालनमा ल्याउन  १ करोड ५० लाख लगानी गरिएको संचालकले जनाएका छन्  ।

चार तले टावरबाट तराइका बिभिन्न स्थानहरुको मनोरम दृष्यसंगै खासगरी गर्मी समयमा शितलता ताप्न  सकिने छ ।  गुवावारीको आर्कषणका रुपमा रहेको भ्य् टावरले लेटाङ नगरपालिका क्षेत्रकै लागि सुनमा  सुगन्ध थपेको स्थानीयाबासी बताउछन् ।