हिउँद लागेसँगै थप चलायमान बन्दै बेतना सिमसार, चार महिनामा ३१ लाख आम्दानी

कार्यकाल सकिएको लामो समयसम्म साधारणसभा हुन नसकी अनेक समस्या झेल्दै आएको बेतना सिमसारमा नयाँ समिति आएपछि प्रगतिका संकेत देखिन थालेका छन् ।
राजनीतिक खिचातानी र स्थानीय बासिन्दाहरुको आन्दोलन लगायतका कारण बारम्बार रोकिदै आएको बेतना सिमसार सामुदायिक वनको गत असारमा भएको साधारणसभाबाट नयाँ समिति गठन भएपछि बेतना सिमसार चलायमान हुन थालेको हो ।
कुल १ सय ७४ दशमलब ९१ हेक्टर क्षेत्रफल रहेको यस सिमसार क्षेत्रलाई तिन खण्डमा बर्गीकरण गरीएको छ । सिमसार क्षेत्रमा ७७ प्रतिशत भाग बाँझोपर्ति, झण्डै १३ प्रतिशत भाग हिलो दलदलले तथा ९ दशमलव ४८ प्रतिशत भाग पानीले ढाकेको छ ।
पहिले बनाइएको गुरुयोजनामा बेतना सिमसारलाई तीन खण्डमा बिभाजन गरिएको छ । जस अनुसार राजमार्ग दक्षिणतर्फको खण्ड १ क्षेत्रमा १.८५ हेक्टर पानी, ९.०५ हेक्टर सिमसार, २.२७ हेक्टर बाँझो गरी १३.१७ हेक्टर क्षेत्रफल छ । खण्ड २ मा ४.२५ हेक्टर पानी, ११.३१ हेक्टर सिमसार, ४.१५ हेक्टर बाँझो जमीन र ४३.३३ हेक्टर बनक्षेत्र गरी ६३.०३ हेक्टर क्षेत्रफल छ । त्यस्तै पानी नभएको खण्ड ३ मा ११.२० हेक्टर सिमसार क्षेत्र, ४.९४ हेक्टर बाँझो तथा पार्टी क्षेत्र र ८२.५८ हेक्टर बन क्षेत्र गरी ९८.७१ हेक्टर क्षेत्रफल रहेको छ ।
बेतना सिमसारमा हिउँद महिना लागेसँगै पर्यटकहरु आउने क्रम बढ्न थालेको छ । सिमसारले उपलब्ध गराएको तथ्यांक अनुसार यश आर्थिक बर्षको साउनयता शनिबारसम्ममा ५१ हजार १ सय जना पर्यटकले टिकट काटेर बेतना भ्रमण गरेका छन् । तथ्यांक अनुसार प्रतिब्यक्ति ५० रुपैयाँका दरले यस अबधिमा करिब २५ लाख ५५ हजार रुपैयाँ आम्दानी भएको देखिन्छ । यो तथ्यांकमा १० वर्ष मुनिका बालबालीका, ७० बर्ष माथिका वृद्धवृद्धा, स्थानीय उपभोक्ता, जनप्रतिनिधि, सञ्चारकर्मी तथा समितिले उपलब्ध गराएको उपभोक्ता कार्ड होल्डरहरुलाई दिईएको छुट समावेश गरिएको छैन । त्यस्तै सोही अवधिमा ६ हजार २ सय मोटरसाइकल पार्किङबाट १ लाख २४ हजार, चारपाङ्ग्रे साना ६ सय ५३ वटा सवारी पार्किङबाट ३२ हजार ६ सय ५०, ५८ वटा बस पार्किङबाट ५ हजार ८ सय, साइकल पार्किङबाट १ हजार ४ सय, पिक्निक वापतको शूल्क ३८ हजार र डुंगा सञ्चालनबाट ३ लाख ८६ हजार ५ सय पचास गरी कुल ३१ लाख ४३ हजार ४ सय आम्दानी भएको बेतना सिमसारले उपलब्ध गराएको तथ्यांकमा उल्लेख छ ।
बेतनामा पहिलोपटक सपरिवार घुम्न आएका भारत आन्ध्र प्रदेश बिजयवडाका केबीडी महेशले बेतना सिमसार आफुहरुले करिब पाँच घण्टा बिताएको र यो ठाउँ धेरै सुन्दर रहेकोे बताए ।
त्यसैगरी पहिलोपटक नै शनिबार बेतना घुम्न आएकी धरानकी शोभा फुयालले पनि बेतना आफुलाइ राम्रो लागेको बताइन् । आफुहरु निर्वाचित भएर आययता ब्यबस्थापनमा समेत सुधार भएको र पर्यटकहरु आउने क्रम बढेको अध्यक्ष भट्टराईले बताए । उनका अनुसार हालसम्म दैनिक सरदर तीन देखि साढे तीन सय पर्यटक आउने गरेका छन् ।
बिराटचोकबाट आएका बिपिन ढकालले भने बेतना आफुले बाल्यकालमा देखेजति सुन्दर नभएको र वालवालिकाहरुको सुरक्षाका लागि पनि पोखरी वरिपरि तारबार लगाउनुपर्ने र अन्य केही कुराहरू सुधार गर्नुपर्ने प्रतिक्रिया दिए ।
हुन त बेलबारीमा विभिन्न संघ संस्थामा दलिय भागबन्डा गर्ने सहमति भएको थियो । बेलबारी खानेपानी, ब्यापार संघ, बेतना सिमसार र धनपालगढी लगायतका संघ संस्थामा दलहरुले अििग्रम रुपमै भागबन्डा गरेका भएपनि साधारणसभा आउने बेलामा आकांक्षीहरु ब्यबस्थापन गर्न नसक्दा र एकले अर्कोलाई स्विकार्न नखोज्दा सबै संघ संस्थामा निर्वाचन भएको थियो ।
आठ बर्षपछि बेतना सिमसारको गत असार १ गते सम्पन्न निर्बाचनबाट नेपाली कांग्रेस बेलबारीका पुर्व नगर सभापति शम्भु भट्टराई नेतृत्वको प्यानल निर्बाचित भएको थियो ।
८ बर्षपछि बेतना सिमसारको गत असार १ गते सम्पन्न निर्बाचनबाट नेपाली कांग्रेस बेलबारीका पुर्व नगर सभापति शम्भु भट्टराई नेतृत्वको प्यानल निर्बाचित भएको थियो ।
महिला उपाध्यक्ष, सह– सचिव र कोषाध्यक्ष एवम् लेखा सदस्यहरु निर्बिरोध निर्वाचित भएपनि अन्य पदमा निर्वाचन नै भएको थियो ।
हुन त बेलबारीका विभिन्न संघ संस्थामा दलिय भागबन्डा गर्ने सहमति भएको थियो । बेलबारी खानेपानी, ब्यापार संघ, बेतना सिमसार र धनपालगढी लगायतका संघ संस्थामा दलहरुले अग्रििम रुपमै भागबन्डा गरेका भएपनि साधारणसभा आउने बेलामा आकांक्षीहरु ब्यबस्थापन गर्न नसक्दा र एकले अर्कोलाई स्विकार्न नखोज्दा सबै संघ संस्थामा निर्वाचन भएको थियो ।