चुलाचुली फुटबल क्लब दमक पनि तेश्रो उधौली कपको सेमीफाईनमा

तेश्रो उधौली कप फुटबल प्रतियोगिताको मंगलवार भएको पहिलो चरणको तेश्रो खेलमा पटनाली फुटबल क्लव धरानलाई ट्राई ब्रेकर मा पराजित गर्दै चुलाचुली फुटबल क्लब दमक सेमीफाईनमा प्रवेश गरेको छ ।
खेल संचालन भएको दुई मिनेटमै चुलाचुलीका आशिष लावतीले गोल गरेका थिए । तर पटनालीका विवेक राईले गोल फर्काएपछि खेल बराबरको अबस्थामा पुग्यो । निर्धारित अबधिभित्र कुनै टिमबाट थप कुनै गोल हुन नसक्दा बराबरीको अबस्थामा भएपछि खेल ट्राइब्रेकरमा धकेलियो । मंगलबारको प्रतियोगिताको म्यान अफ दी म्याच चुलाचुलीका चरी लिम्बू घोषित भए । उनलाई प्रतियोगिताको मुख्य प्रायोजक देवीझोडा सामुदायिक वनका अध्यक्ष गोबिन्द बस्नेतले पुरस्कार दिएका थिए ।
बुधबारको अन्तिम क्वाटरफाइनल खेल डिफेन्डिङ च्याम्पियन रोयल स्र्पोटिङ क्लव दमक र भाउन्ने युथ क्लव बेलबारीबिच हुनेछ ।
प्रतियोगितामा प्रतियोगितामा एपीएफ पकली , लेटाङ फुटबल क्लव, पटनाली फुटबल क्लव (धरान), चुलाचुली फुटबल क्लव (झापा), गोल्डेन स्टार क्लव (दुहबी), कुसुमे साइनिङ क्लव, रोयल स्र्पोटिङ क्लव, दमक र भाउन्ने युथ क्लव गरी मोरङ, सुनसरी र झापाका ८ टीम सहभागी छन् ।
आइतबारदेखि शुरु भएको खेलमा प्रतियोगितामा एपीएफलाई पराजित गर्दै लेटाङ र गोल्डेन स्टार दुहबीलाइ पराजित गर्दै आयोजक कुसुमे साइनिङ क्लब सेमिफाइनलमा पुगिसकेका छन् ।
प्रतियोगिताका लागि केराबारी गाउँपालिका मुख्य सहयोगी, देवीझोडा सामुदायिक वन मुख्य प्रायोजक , सीजी ग्रुप प्रायोजक छन् ।
प्रतियोगितामा प्रथम हुने टीमले ७५ हजार नगदसहित ट्राफी, मेडल र प्रमाणपत्र र दोस्रो हुने टीमले ४१ हजार नगदसहित शिल्ड, मेडल र प्रमाणपत्र पाउने आयोजक कुसुमे साइनिङ क्लबका अध्यक्ष भक्तशेर लिम्बूले बताए । प्रतियोगिताबाट ४ लाख ५० हजार आम्दानी र ४ लाख रुपैयाँ खर्च हुने अनुमान गरिएको छ । कुसुमे साइनिङ क्लबले बिगत तीन बर्षदेखि बर्सेनि उधौली पर्वको अबसरमा प्रतियोगिता आयोजना गर्दै आएको छ । प्रतियोगिताको फाइनल खेल पौष ६ गते हुनेछ ।