कानेपोखरी गाउँपालिकाले वितरण गर्यो झन्डै ८ लाख बराबरका कृषि उपकरण

गाउँपालिकाले कृषि सेवा तथा पशु शाखा मार्फत कृषकहरूलाई उपलब्ध गराउने सेवा सुविधा प्रदान गर्न सार्वजनिक रूपमा सूचना प्रदान गर्ने गरेको छ । गाउँपालिकाको सेवा सुविधाबाट वञ्चित नहुन र एकै जनाले धेरै पटक दोहोराएर लाभ लिने संस्कारको अन्त्य गर्न र आमजनताको अनिवार्य सूचनाको पहुँच निर्माण गर्न अध्यक्ष इङ्नामले कर्मचारीहरूलाई निर्देशन दिएकी छिन ।

व्यावसायिक कृषिको विकासको लागि विगतदेखि नै कृषि सेवा तथा पशु शाखा मार्फत विभिन्न कृषि औजार वितरण गरिरहेको र  कृषकहरुलाइ प्राथमिकतामा राखेर  गाउँपालिकाले आवश्यक कृषि सामग्री वितरण गरिरहने गाउँपालिका उपाध्यक्ष भोलाप्रसाद अधिकारीले बताए ।

उपकरण नपाउँदा गुनासो तर पाउँदा दुरुपयोग नगर्न र झुक्किएर पनि गाउँपालिकाको लगानी गरेर प्रदान गरेको उपकरण बेच्ने कार्य नगर्न नं.५ का वडाध्यक्ष चरण गुरुङले आग्रह गरे ।

उपकरण पाए पछि कृषकहरू खुसी भएका छन् । साथै बजारको उचित व्यवस्थापन नहुँदा नोक्सानी बेहोर्नु पर्ने पिडा रहेको कृषकहरू बताउँछन् । बजारको अभावलाई निराकरण गर्न स्थानीय सरकार, प्रदेश र सङ्घीय सरकारले उचित व्यवस्थापन गर्न कृषकहरूको माग छ ।