बेतना सिमसारको २० बर्षेे गुरुयोजना सार्वजनिक

पूर्वी मोरङको बेलबारी स्थित प्रमुख पर्यटकीय गन्तब्य वेतना सिमसारको स्तरोन्नतिका लागि ४८ करोड रुपियाँको वृहत गुरूयोजना तयार गरिएको छ ।वेतना सिमसार सामुुदायिक वन उपभोक्ता समूहले २० वर्षे गुुरू योजना तयार गरी सार्वजनिक गरेको हो ।
गुरूयोजनामा सिमसार परिसरमा संरक्षित पशु पंक्षीका लागि ब्यवस्थित चिडिया घर निर्माण गर्ने घडियाल प्रजनन केन्द्र स्थापना र आर्किड गार्डेन निर्माण गर्ने उल्लेख छ । यस्तै योजना हार्वाेरियन तयारी व्यवस्थापन,पोखरी तथा चिल्ड्रेन पार्क , बनभोज स्थल निर्माण गर्ने उल्लेख छ ।

यसैगरी राजमार्गको दक्षिणक्षेत्रमा समेत सिमसार विस्तारगरी कछुुवा प्रजनन केन्द्र, चरागुुड निमार्ण, क्यानल निर्माण र भुुमिगत विद्युुत तथा पानी व्यवस्थापनको कामलाई अगाडि बढाइने भएको छ ।
गुरुयोजनामा पानी संरक्षण गर्ने विभिन्न प्रजातिका वनस्पतिको रोपण, भुुक्षय नियन्त्रण , पानीको मुुहान साथै पुुरातात्विक सम्पदाको संरक्षण गर्ने विषयलाई समेटिएको छ ।मोरङको बेलबारी ४ मा अवस्थित सिमसार १ सय ७४ हेक्टर क्षेत्रफलमा फैलिएको छ । सिमसारको ७७ प्रतिशत भाग वाँझोपर्ति , १३ प्रतिशत भाग हिलो दलदल तथा ९ दशमलव ४८ प्रतिशत भाग जलासययुक्त पानीले ढाकेको छ ।
२०७२ सालमा सामुुदायिक वनलाई सिमसार हस्तान्तरण गरिएको थियो । गतवर्ष २ लाख ३ हजार ५ सय आन्तरिक तथा वाह्य पर्यटक सिमसार घुुम्न आएको वेतना सिमसार सामुुदायिक वनका अध्यक्ष डम्वर वस्नेतले बताउनु भयो । पर्यटकबाट प्रवेश शुल्क वापत गतवर्ष १ करोड ११ लाख रुपियाँ संकलन भएको कोषाध्यक्ष कमल कोइरालाले बताउनु भयो । दैनिक साढे ५ सय पर्यटक आउने कोइरालाले बताउनु भयो । उहाँले नयाँ वर्ष जस्ता विशेष दिनमा ८ हजार ३ सय जना सम्म पर्यटकहरु आएको बताउनु भयो ।

गुरुयोजना निर्माण मस्यौदा परामर्शदाता केशव अर्यालका अनुसार संरक्षित सिमसार क्षेत्रलाई ३ भागमा वर्गीकरण गरी उचित व्यवस्थापन गर्ने योजना छ । कुल १७४ दशमलव ९१ हेक्टर क्षेत्रफलमा फैलिएको सिमसार पूर्ण संरक्षित क्षेत्र रहनेछ ।

त्यस क्षेत्रमा संरचना निर्माण गर्न नदिने समेत गुरुयोजनामा उल्लेख गरिएको छ ।कछुवाको साथै घोडियाल गोहीको प्रजनन केन्द्र स्थापना गर्ने लक्ष्य पनि गुरुयोजनाले लिएको छ ।

केन्द्र तथा प्रदेशको मन्त्रालय , सरोकारवाला सरकारी कार्यालय , सिमसार विज्ञ तथा स्थानीय तहका प्रमुुख र सर्वसाधारणहरुसँग समेत छलफल अगाडि वढाएको अध्यक्ष वस्नेतले वताउनुुभयो । छलफल कार्यक्रमा वेलवारी नगरपालिकाका प्रमुुख ज्ञानेन्द्र सुवेदीले सिमसारको विस्तार एवं व्यवस्थितगर्न नगरपालिकाको सक्दो सहयोग गर्ने प्रतिवद्धता ब्यक्त गरेको बस्नेतको भनाई छ ।

सिमसारमा ५८ प्रजातकिा चरा, ४ प्रकारका लोपोन्मुख पशु , ४ प्रकारका कछुवा र १० प्रकारका माछा रहेका छन । सिमसारमा नौका बिहारका लागि ढुंगाको समेत ब्यवस्था गरिएको छ ।