६५ बर्षिया धनमाया, जो समाजकै एक नमूना अभिभावक भएकी छिन्

धेरै अभिभावकहरु आफना छोराछोरी, नातिनातिनी बिद्यालय पुर्याएपछि ढुक्क महशुस गर्छन । बिद्यालय पुगेपछि उनीहरु के गर्छन,पढछन या पढदैनन्,उनीहरु के सिकिरहेका छन उनीहरुलाई हेक्का समेत हुँदैन । तर मोरङको बेलबारी ४ की धनमाया गुरुङ अपवादको रुपमा रहेकी छिन ।

उनी आफना नातिनातिनालाई बिद्यालय पुर्याउने मात्र हैन,खाली समयमा बिद्यालय भित्रै पुगेर समेत पढाउने गर्छिन ।
धनमायाका एक नातिनि र एक नाति बेलबारी नगरपालिका ४ मा रहेको कसेनी माध्यमिक बिद्यालयमा अध्यायनरत रहेका छन । नातिनातिनीको अभिभावक बनेकी उनी बिहान १० बजे बिद्यालय पुग्छिन, दिनभर उनीहरुको हेरचाह गर्छिन,पढाई नभएको समयमा उनी आफैं पढाउंछिन र बेलुका बिद्यालय बिदा भएपछि नातिनातिनी सँगै घर फर्किन्छिन ।
सोही सो कार्यको मुल्यांकन गर्दै बिद्यालयमा बिहिबार आयोजित कार्यक्रममा बेलबारी जेसिजका महासचिव राजेन्द्र अधिकारीको अगुवाइमा उत्कृष्ट अभिभावकको रुपमा नगद ५५ सय सहित सम्मान गरिएको छ ।

उनलाई  बेलबारी जेसिजका अध्यक्ष राजन प्रसाई र महासचिब राजेन्द्र अधिकारीले ५ हजार र कार्यक्रमका प्रमुख अतिथि रहेका एकिकृत हातेमालो समाज नेपालका अध्यक्ष डिल्लीराम गिरीले ५ सय थप गरी ५५ सय रुपैया प्रदान गरेेका छन्  ।

कार्यक्रम एकीकृत हातेमालो समाज नेपालका अध्यक्ष तथा निबर्तमान केन्द्रिय बालकल्याण समितिका अध्यक्ष डिल्लिराम गिरी, प्रमुख अतिथ्यमा भएको थियो । त्यसैगरी नेेपाली कांग्रेसका नेता महेन्द्र सुुवेदी, संंस्थागत विद्यालयका तर्फबाट  ईरान राई, बेलबारी ४ का वडाध्यक्ष रामकुमार राई , बेलबारी जेसिजका अध्यक्ष राजन प्रसाईं लगायतको विशेष अातिथ्यता थियो । –  नरेन्द्र बस्नेत