माेरङमा १ सय ३० जना पुगे काेराेना संक्रमित, सुन्दरहरैंचामा दुई दिनमै ६ जनामा कोरोना पुष्ठी

माेरङमा काेराेना संक्रमितकाे संख्या १३० पुगेकाे छ ।

सोमबार थप १२ जना कोरोना संक्रमित भेटिएपछि कोरोना संक्रमितको संख्या १ सय ३० पुगेको हो ।

सोमबार मोरङको सुन्दरहरैचा नगरपालिकामा दुई महिलासहित ४ जना र मोरङको रंगेली नगरपालिकामा ८ जना गरी १२ जनामा कोरोना संक्रमण पुष्ठी भएको प्रदेश १ सामाजिक विकास मन्त्रालयले जनाएको छ ।

सोमबार कोशी अस्पतालमा परीक्षण गर्दा सुुुन्दरहरैंचा र रंगेलीका १२ जनामा संक्रमण पुष्ठी भएको थियो । संक्रमित सबै भारतबाट आएकाहरु हुन ।

सुन्दरहरैंचामा आधा दर्जनभन्दा बढी संक्रमित

 मोरङको सुन्दरहरैंचामा कोरोना संक्रमितको संख्या आधा दर्जन नाघेको छ ।

सोमबार वडा नम्बर ९ मा एकै परिवारका ४ जनामा कोरोना संक्रमण पुष्ठी भएसँगै संक्रमितको संख्या ७ जना पुगेको हो  ।

नगरपालिकाको स्वास्थ्य शाखाले दिएको जानकारी अनुसार उनीहरू सुन्दरहरैंचा नगरपालिकाले सञ्चालनमा ल्याएको सलकपुरस्थित कभर्ड हल र सुन्दरहरैंचा उद्योग वाणिज्य संघको हलमा राखिएका थिए । नगरपालिकाका अनुसार उनीहरु जेठ ३ गते नेपाल आएका थिए ।