करोड कारोबारको लक्ष्य सहित गछियामा हुनेभो तेश्रो सुन्दरहरैचा एक्स्पो, तयारी तीब्र

‘कृषि , पर्यटन , उधोग र व्यापार : आर्थिक समृद्धिको मुल आधार’ भन्ने नाराका साथ सुन्दरहरैचा नगरपालिका स्थित गछियामा तेश्रो सुन्दरहरैचा एक्स्पो २०७५ आयोजना हुने भएको छ ।

एक्स्पो आयोजकले आइतबार पत्रकार सम्मेलन गरी दिएको जानकारी अनुसार सुन्दरदुलारी उधोग वाणिज्य संघको आयोजनामा हुने उक्त एक्स्पो फागुन ४ गते देखी फागुन १२ गतेसम्म चल्ने छ ।

एक्स्पो आयोजक समितिका सयोजक किशोर कार्कीका अनुसार एक्स्पोमा औधोगिक उत्पादनका वस्तुहरु, कृषी उत्पादनका वस्तुहरु , सुचना प्रविधि, वैकल्पिक उर्जा , घरायसी सामाग्री, अटोमोबाइल्स्, बैक तथा वितिय सस्था,लुब्रीकेन्ट्स र पार्टसका सामाग्रीहरुको पर्दशन सहित १ सय ८५ वटा भन्दा बढी स्टलहरु रहने छन् ।

एक्सपोमा अटोमोबाइलका २०, लुब्रिकेन्टका १०, कृषिका २०, होटलका १५, बैंक तथा वित्तीय संस्थाका २० वटा गरी जम्मा १ सय ८५ वटा स्टल रहने उनले जानकारी दिए ।

एक्स्पो सञ्चालनका लागि करिब ७५ लाख लागत लाग्ने  अनुमान गरिएको छ  । एक्स्पो अवधिभर करिब ३ लाख दर्शकले एक्स्पो अवलोकन गर्ने  आयोजकले लक्ष्य लिएका छन्  ।

७५ लाख बराबर लगानी रहने एक्स्पोमा १५ करोड रुपैयाँको कारोबार हुने अनुमान गरिएको छ । नेपाली तथा विदेशी कलाकारका साथै नेपालकै होची महिला मालती ऋषिदेवलाई पनि आकर्षणको रूपमा राखिने बताइएको छ ।

आयोजकले एक्स्पोको भित्री सुरक्षाको लागि सिसी क्यामेरा, निजी सेक्युरिटी गार्ड , स्वयं सेवकको व्यवस्था गरिने बाहिरी सुरक्षाको लागी जनपथ प्रहरी , सशस्त्र प्रहरीहरको सुरक्षामा एक्स्पो सञ्चालन गरिने बताइएको छ ।