भाउन्नेस्थित सृजना पार्कमा घुमे प्रचण्ड, मुर्ति हेर्दै भने ‘ढुंगाबाट पनि सम्बृद्धि आउँदोरहेछ’

नेकपाका अध्यक्ष तथा पुर्व प्रधानमन्त्री पुष्पकमल दाहाल प्रचण्डले मोरङको बेलबारी वडा नम्बर १० स्थित भाउन्नेमा निर्माणाधीन सृर्जना पार्क तथा मुर्तिहरुको अवलोकन गरेका छन ।

नेपाल सहित अन्य ६ देशका कलाकारहरुले निर्माण गरेका ढुंगाका कलात्मक आकृर्ती मुर्तिहरु हेर्दै प्रचण्डले  पार्कको समेत जानकारी लिएका छन्  । ढुंगाबाट समेत सम्बृद्धि आउदो रहेछ भन्दै उनले ढुंगाका विभिन्न कलात्मक आकृर्तीसँग फोटो समेत खिचेका छन् । उनले पार्कलाई प्राकृतिक (नेचुरल) खालको बनाउन सुझाव दिएका छन्  ।

भाउन्नेमा नेपाल सहित  नेपाल सहित भारत, जापान,जर्मन, बंगालादेश, ईटाली लगायत ६ देशका ४२ जना कलाकारले ढुंगाका मुर्ति बनाई रहेका छन्  ।  मुर्ति बनाउनेमा जापानका नोरियो ताकाओका, भारतका अनुप गुप्ता,जर्मनीका पिटर हार्गेट, बंगलादेशका अभिजित कान्ति दास र इटालीका महिला मुर्तिकार माकि नारामुरा, नेपाली मुर्तिकारहरू सुनिता राना, राजन काफ्ले ,सुदर्शन विक्रम राणा लगायतले मुर्ती वनाईरका छन ।