बारा र पर्सामा भिषण आँधी हुरी :३० जनाको मृत्यु, ४ सयभन्दा घाइते

भिषण आँधी हुरीमा परेर बारा र पर्सामा आईतवार ३० जनाको मृत्यु भएको छ भने ४ सयभन्दा बढी घाइते भएका  छन् ।

जिल्लाका विभिन्न स्थानमा आएको आँधी हुरीमा परेर ३० जनाको मृत्यु भएको हो । आँधीका कारण घरमा रुख ढलेको र घर भत्किँदा पुरिएएर त्यति धेरै जनाको ज्यान गएको २ नम्बर प्रदेश प्रहरी प्रमुख डिआइजी हरिबहादुर पालले जानकारी दिए ।

मृत्यु हुनेको संख्या बढ्न सक्ने अनुमान गरिएको छ । आँधीमा परेर दर्जनौ घर भत्केका छन् भने ४०० भन्दा बढि मानिस घाईते भएको जनाइएको छ । उद्दारका लागि सरकारले ठुलो संख्यामा सुरक्षाकर्मी तथा नेपाली सेनाको टोली खटाएको छ । प्रधानमन्त्री केपी शर्मा ओलीले पनि ट्विट गर्दै बिपतको घडीमा उद्दारमा जुट्न अपील गरेका छन् ।