खदामाथि प्रतिबन्ध लगाई धिमाल गलबन्दी प्रयोग गर्ने बेलबारी नगरपालिकाको तयारी 

उत्तम पोख्रेल/ बेलबारी नगरपालिकाले खदा प्रयोगमाा प्रतिबन्ध लगाएर अन्य  विकल्प खोज्ने भएको छ । 

नगरकै पहिलो जातिको रुपमा घोषणा गरीएको धिमाल जातिले लगाउने गलफनलाई नै खदाको रुपमा प्रयोग गर्ने बेलबारी नगरपालिकाका मेयर ज्ञानेन्द्र सुवेदीले बताए । उनले वाह्य बस्तु भन्दा आफ्नै मौलिक र सस्कृतिसंग जोडिएका बस्तु प्रयोग गर्ने बताए । ‘हामीले विभिन्न कार्यक्रममा लगाउने खदा विदेशबाट आएका र वातावरणलाई दुसित पनि पार्ने भएकोले नगरपालिकमै चाडै खदाको प्रयोगमा रोक लगाउन सक्ने सुवेदीले बताए ।
सामाजिक तथा धार्मिक कार्यक्रममा समेत खदा प्रयोग हुने गरेको छ।  खदाले वातावरणमा समेत असर पुर्याउने गरेको विज्ञहरुको भनाइ रहेको छ ।

स्थानीय संस्कार र संस्कृतिसंँग जोडिएको बस्तुहरुको प्रबर्द्धन

आम्दानीको स्रोत समेत हुने भएकोले धिमाल जातिले बुन्ने गरेको धिमाल जातिको वोना,अल्गी, धावा, धरी, ताना जस्ता कपडाहरुको समेत संरक्षण र संंबर्द्धनका लागि  धिमाल जातिले लगाउने गलफनलाई नै खदाको रुपमा प्रयोग गर्ने उनले बताए । धिमालहरुले  लगाउने पोषाक बुन्ने औजार खरिद गरीदिने नगरपालिकाको योजना छ ।

धिमाल जातिलाई नगरपालिकाले यस अघिनै पहिलो जातिकोरुपमा घोषणा गरीसकेको छ । धिमाल जाति विकास केन्द्र वेलबारीले समेत पहिलो जातिकारुपमा धिमाललाई घोषणा गरेको भन्दै नगरपालिकाले सम्मान गरेको छ । मेयर सुवेदीलाई सम्मान पत्र दिएर सम्मान गरेको हो ।
पर्यटन प्रबर्द्धन र आयश्रोतका लागि धिमाल जाति
नगरपालिकाले धिमाल जातिको पहिचान सहितको होमस्टे संचालन गर्नका लागि अध्ययन गर्न समेत थालेको छ । बेलबारीका पर्यटकीय क्षेत्र सगै होमस्टेको अभाव भएको छ मेयर सुवेदीले भने उनीहरुको रहनसहन भेषभुषा र खानपिनबाट पर्यटकलाई तान्न होमस्टेका लागि अध्यन थालिएको बताए ।
उच्च शिक्षाको अनुदानमा आदिवासी 
बेलबारी नगरपालिकाका प्रबक्ता योगेन्द्र सुवदीका अनुसार नगरपालिका क्षेत्रमा धिमाल जाति सहित अन्य २१ जाति रहेका छन् । उक्त कोषबाट ४० जना भन्दा वढी युवा युवतीहरु मदन भण्डारी फाउन्डेसनमा अध्ययन गरीरहेका छन् ।