बनेको दुइ महिना पनि नवित्दै मोरङमा जताततै भत्कियो राजमार्ग, ब्यर्थ भो करोडौं खर्चेको

केशु विरही, सुन्दरहरैचा/ मोरङको सुन्दरहरैँचा नगरपालिका स्थित पुर्वपश्चिम राजमार्गमा कालोपत्रे गरिएको सडक दुई महिना नबित्दै भत्किएको छ ।

उक्त सडक कालोपत्रेका लागि गीताञ्जली जोशीला जेभीले ठेक्का लिएको थियो । १ करोड ८३ लाखको लागतमा निर्माण सम्पन्न भएको सडक निर्माणमा ठेकेदार कम्पनीको चरम लापरवाहीका कारण सडक निर्माण पुरा भएको दुई महिना नबित्दै भत्किएको स्थानीयहरु वताउँछन ।

सडकमा कालोपत्रे माथि कालोपत्रे गर्ने काम झारो टार्ने काम मात्र भएको भन्दै उतीखेरै स्थानीयले विरोध जनाएका थिए ।

ठेकेदार कम्पनीले स्थानीयको विरोधलाई वेवास्ता गर्दै कमुल काम गर्दा आज सडकको यो दुर्दसा भएको स्थानीय तेजबहादुर गिरी वताउँछन् । आफूले निर्माण अवधिमै काम कमसल भएको भनेर गुनासो गर्दा ठेकेदारले त ईन्जिनियर होस भनेर गाली गरेको उनको गुनासो रहेको छ ।

सुन्दरहरैँचा स्थित बुढीखोला देखि पुर्वी सिमाना बेलाबारीसम्म कालोपत्रे गरेको अत्याधिक ठाउँमा भत्किएको छ । कालोपत्रे हाल्दा जाम हुनु पर्नेमा जाम नभएर सबै गिटी निस्किएर खाल्डा खाल्डामा परिणत भएको छ ।

सुन्दरहरैँचा नगरकै मुटुमा रहेको विराटचोक बजारमा रहेको पश्चिम बसस्ट्याण्ड त झन् हेर्नै नहुने भएको छ । सडक भत्किएर वनेका खाडल नै खाडले यो ठाउँ वस रोक्ने ठाउँ नभएर पोखरी पो होकि जस्तो भान हुन्छ ।

यसरी सडक भत्किएर खाडल वने पछि आवत जावत गर्ने यात्रुलाई धेरै सास्ती भएको छ । सडक यसरी पोखरीमा परिणत हुँदा आफुहरुले पुग्नुपर्ने ठाउँमा पुग्न नुकेको चालकहरु वताउँछन् ।

सो बाटो भएर हिँड्ने सबैको गुनासो यही रहेको छ ‘यो सास्तीबाट कहिले मुक्ति पाउने ?’

नगरकै प्रतिष्ठा जोडिएको बजार र त्यही बजारको मुटुमा हेको बसस्ट्याण्डको यो अवस्थाले नगरकै वद्नाम गर्ने हुनाने यसको सुधार गर्न नगरपालकाले बेलेमै कदम चाल्नु पर्ने स्थानीय कल्पना शाहको मत रहेको छ ।

त्यसो त सडक मात्र भात्किएको भने कहाँ हो र ? गछिया पुलको हालत पनि उस्तै छ । पुल माथि कालोपत्रे गरिदाँ कालोपत्रे निक्लिएर नै खाल्डो नै खाल्डो पर्दा पुल नै धरापमा परेको स्थानीय बताउँछन ।

सोही बिषयमा जानकारी लिन हामीले ठेकेदार कम्पनीका एक प्रतिनिधि ऋषि जोशीसँग सम्पर्क गरेका थियौँ । उनले सडक गुणस्तरका कारण नभै वर्षाको कारण सडक भात्किएको वताए ।

४८०० मिटर लम्बाई कालोपत्रे गर्ने सम्झौतामा भए पनि आफूहरुले ५७०० मिटर लम्बाई सडक कालोपत्रे गर्नुपरेकाले गर्दा यो स्थिती आएको हुनुक्ने ठेकेदार मिश्रको मत रहेको छ ।

यसै बिषयमा सडक डिभिजन कार्यलय विराटनगरका डिभिजन प्रमुख शुभराज न्यौपानेलाई पटक पटक सम्पर्क गर्न खोज्दा फोन सम्पर्क हुन सकेन ।
यता सुन्दरहैँचा नगरपालिकाका प्रमुख प्रशासकीय अधिकृत गणेशप्रसाद दाहाल भने यो नगरपालिकाको कार्य क्षेत्र नभए पनि जनसरोकारको विषययको गाम्भिर्यतालाई हेरेर नरपालिकाले उपयुक्त कदम चाल्ने वताए ।