नाङ्गो फोटो देखाएर बारम्बार ब्ल्याकमेलिङ गरिएपछि सुन्दरहरैचाकी एक महिलाले गरिन् आत्महत्या

प्रेमको नाटक गरी नजिकिएको एक युवाले यौन सम्बन्धी भिडियो बनाएर ब्ल्याकमेलिङ गरी हैरान पारेका कारण मोरङको सुन्दरहरैचाकी एक बिवाहित महिलाले आत्महत्या गरेकी छिन् ।

सुन्दरहरैचा ४ बस्ने ऋषिराम भट्टराईले नक्कली फेसबुुुक आइडी बनाएर ब्ल्याकमेलिङ गरेपछि प्रीती तिम्सिना (अधिकारी)  ले आत्महत्या गरेकी हुन् । फाल्गुन ०८ गते अपरान्ह ३ बजे सुन्दरहरैचा ५ गौशालाकी १९ बर्षिया प्रीती तिम्सिना ( अधिकारी )  सलको पासो लगाई झुन्डीएको अवस्थामा मृत फेला परेकी थिइन् । घटनापछि बेलबारी प्रहरीले मृतकको साथबाट घटना स्थलमा सुसाइड नोट र मृतकले प्रयोग गर्ने मोबाइल फोन फेला पारेको थियो । सुसाइट नोटमा ऋषिरामले फेक फेसबुक आई डी प्रयोग गरी अश्लील फोटो पोस्ट गरिदिने भन्दै ब्ल्याक मेल गरी पटक पटक पैसा असुल्ने गरेको र पछिल्लोपटक समेत पैसा मागेको र पैसा नभएको कारण आफुले आत्महत्या गर्नु परेको उल्लेख भएको प्रहरीले जनाएको छ ।

ईलाका प्रहरी कार्यालय बेलबारीले आत्महत्या गर्न दुरुत्साहन गरेको आरोपमा दुवैजनालाइ नियन्त्रणमा लिएको छ । नियन्त्रणमा लिएका व्यक्तिहरुलाई मंगलबार प्रहरीले सार्वजनिक गरेको छ । पक्राउ पर्नेमा सुन्दरहरैचा ४ बस्ने ऋषिराम भट्टराई र सुन्दरहरैचा ६ बस्ने वर्ष १९ कि संजिता निरौला छन् । बेलबारी प्रहरीले मृतकको साथबाट घटना स्थलमा सुसाइड नोट र मृतकले प्रयोग गर्ने मोबाइल फोन फेला पारेको थियो ।

उक्त सुसाइड नोटमा dazzling queen फेसबुक आईडी प्रयोग गर्ने दिपा नाम राखेको ऋषिले फेसबुकमा अश्लील र गोप्य फोटो पोस्ट गरिदिने भन्दै ब्लाकमेल गरि पटक पटक पैसा असुल्ने गरेको र धेरैपटक पैसा दिने गरेको र  सोही दिन पनि पैसा मागेको र पैसा नभएको कारणले आत्महत्या गर्नु परेको उल्लेख गरिएको थियो  ।

सुसाइड नोट र मोबाइल फोनको आधारमा dazzling queen फेसबुक आइडी प्रयोग गर्ने दिपा भनिने ऋषिराम भट्टराई भएको र इटहरी स्थित गोर्खा डिपार्टमेन्ट अगाडि पटक पटक पैसा लिन संजिता निरौला गएको भन्ने अनुसन्धानमा खुलेको ईलाका प्रहरी कार्यालय बेलबारीका इन्स्पेक्टर गुणराज बुढाथोकीले बताए ।   अहिलेसम्म पटकपटक आरोपित व्यक्तिले कति रकम लिएको थियो भन्ने नखुलेको तर धेरै पटक रकम लिएको अनुसन्धानबाट देखिएको प्रहरीले जनाएको छ  ।

पक्राउ परेका व्यक्तिहरुलाई म्याद थप गरी अनुसन्धान भईरहेको प्रहरीले जनाएको छ । यता प्रहरीको नियन्त्रणमा भएकी संजिता लुइटेलले आफुलाई ऋषिराम भट्टराईले प्रीती तिम्सिना (अधिकारी) बाट पैसा लिनु छ त्यहांँबाट पैसा लिएर आइदिनु भनेर आफू गएको बताएकी छिन् । प्रहरी नियन्त्रणमा रहेकी संजिता नेटवर्किङ विजनेस ओरियनसमा सकृय रहेकी छिन् । ऋषिरामले प्रितिबाट लिनुपर्ने पैसा लिएपछि भारतमा तालिम लिन जाने भनेकोले आफुले उसलाई सहयोग गर्न पैसा लिइदिएको संजिताले बताएकी छिन् ।