बेलबारीको बिद्युत र मालपोतमा पनि छिर्यो कोरोना, संक्रमणको खतरा बढ्दै

बेलबारीमा बुधबार र बिहिबार २० जना संक्रमित थपिएका छन् ।
असोज २५ गते पिसिआर परिक्षण गरिएका १८ जनामध्ये १० जनामा बिहीबार कोरोना पोजेटिभ देखिएको बेलबारी नगरपालिका स्वास्थ्य शाखाका कर्मचारी सन्तोष बिश्वकर्माले बताए ।
कोरोना संक्रमित हुनेमा बिद्युत प्राधिकरणमा कार्यरत २ जना कर्मचारी, मालपोत कार्यालयमा कार्यरत ४ जना कर्मचारी र बेलबारी २ की २० बर्षिया एक युवती छिन् । अरु संंक्रमित ब्यक्तिहरु अन्य वडाका छन् ।
बेलबारीमा बुधबार पनि १० जना संक्रमित थपिएका थिए । बिहिबार थपिएका १० जनासँगै बेलबारीमा संक्रमितको संख्या १ सय नाघेको छ ।