बेलबारीमा अपाङ्गहरुका लागि स्वास्थ्य शिविर चल्दै, महिला स्वास्थ्य शिविर सम्पन्न

मोरङको बेलबारी नगरपालिकाले  अपाङ्गता भएका ब्यक्तिहरुका लागि नि:शूल्क एक हप्ते स्वास्थ्य शिविर आयोजना गरेको छ ।

अपाङ्गता रोकथाम तथा पूर्नस्थापना कार्यक्रम अन्तरगत नगरपालिकाले बेलबारी २ नम्बर वडादेखि निशूल्क स्वास्थ्य शिविर सुरु गरेको हो । शिबिरमा स्वास्थ्य परीक्षण, मनोपरामर्श, कुपोषण आदिबारे परामर्श दिइने नगरपालिकाको स्वास्थ्य शाखाका कर्मचारी सन्तोष विश्वकर्माले बताए ।

उनका अनुसार हाडजोर्नीको अप्रेसन र हातखुटटा वाङ्गिएको भए उपचारका लागि रेफर गरिने छ । यस्तै अपाङ्गता भएका ब्यक्तिहरुलाइ सहायक समाग्री वितरण र अपाङ्गता परिचय पत्र प्राप्त नगरेको भए परिचय पत्र समेत बितरण गरीने विश्वकर्माले बताए ।

नगरपालिकाले स्वास्थ्य शिविरमा सहभागि हुनका लागि अपांगता भएका ब्याक्तिहरुलाई आग्रह समेत गरेको छ । माघ १८ गते सुरु भएको शिबिर २६ गतेसम्म संचालन हुने नगरपालिकाले जनाएको छ ।
सबै वडाहरुमा महिला स्वास्थ्य शिविर
‍‍यसैगरी बेलबारी नगरपालिकाले सबै वडामा महिलाहरुका लागि निःशुल्क स्वास्थ्य शिविर संचालन गरेको छ ।
निःशुल्क महिला स्वास्थ्य शिविरमा अब्स्टेटिक, फिस्टुला र पाठेघर खस्ने महिलाहरूको ईस्केनिङ रिगंपेशरी तथा भि.आई.ए.जाँच सेवा साथै आँखा जाँच समेत गरिएको थियो ।

नगरपालिकाका स्वास्थ्य शाखाका कर्मचारी सन्तोष विश्वकर्माका अनुसार बेलबारीका सबैजसो वडाहरुमा निःशुल्क स्वास्थ्य शिविर सम्पन्न भइसकेको छ ।