अब चाहिँ सुल्झिएला कि जस्तो छ इटहरीका निजी कलेजहरुको शुल्क बिवाद
- ११ चैत्र २०७७, बुधबार
नीजि कलेजहरुले कोरोना महामारीको समयको समेत शुल्क लिएको भन्दै विद्यार्थीहरु आन्दोलित भएपछि इटहरी उपमहानगर पालिकाले गठन गरेको कार्यदलले प्रतिवेदन बुझाएको छ ।
इटहरी उपमहानगर वडा नम्वर ४ का वडाध्यक्ष चन्द्र भटटराईको संयोजकत्वमा गठित कार्यदलले इटहरी उपमहानगरका प्रमुख द्धारिकलाल चौधरीलाई प्रतिवेदन वुझाएको हो ।
विभिन्न सरोकारवालाहरुसँग छलफल गरेर सुझाव समेत लिई प्रतिवेदन बनाएर वुझाइएको संयोजक भटटराईले वताए ।
समयमै प्रतिवेदन वुझाएकोमा कार्यदललाई धन्यवाद दिँदै नगर प्रमुख चौधरीले नगरशिक्षा समितिको वैठक वसेर सुझाव माथि छलफल गरिने बताए ।
इटहरीका संस्थागत विद्यालयहरुको कक्षा ११ र १२ को शूल्क सम्वन्धि समस्या समाधानका लागि सुझाव दिन ८ गते वसेको नगरशिक्षा समितिको वैठकले कार्यदल वनाएको थियो ।
