असिनाले मरुभूमी बन्यो धनकुटाको तरकारी जोन, एउटै गाउँमा ३० करोडको क्षति
- ४ बैशाख २०७८, शनिबार
करिव २४ घण्टा मध्येपहाडि लोकमार्ग र स्थानिय बाटाघाटाहरु अवरोध हुनेगरी परेका असिनाले सिंधुवा क्षेत्रका फर्म र ब्यक्तिगत रुपमा लगाईएको हरियो घाँस नष्ट हुंदा गाउँका चौपायाहरु समेत भौकले कराईरहेका देखिन्थे ।
मरुस्थल जस्तै देखिएको सिंधुवा क्षेत्रमा अहिले चराचुरुङ्गीहरुको आवाज बिहिन सुनसान बनेको छ भने असिनाले टिनका छाने,खानेपानी टंकीमा र घर बाहिर राखिएका भाँडावर्तनहरु पुटेका छन् ।
असिनाले लागेर केहि ब्यक्तिहरुको टाउकोमा चोट समेत लागेको स्थानियबासीहरुले जानकारी दिएका छन् ।
हाल सबै क्षेत्रबाट तथ्यांक संकलन गर्ने काम भईरहेकोले क्षतिको यकिन तथ्यांक आएको छैन ।
प्रधानमन्त्री कृषि आधुनिकीकरण परियोजना कार्यान्वयन इकाई तेह्रथुम तथा जोन ईकाई धनकुटा अन्तर्गत सिुधवा क्षेत्रको.१ हजार २ सय १० हेक्टरमा लगाईएको सबै तरकारी बाली नष्ट भएको छ ।
ईकाइका प्राविधिक सहायक भर्मराज कटुवालका अनुसार छथर जोरपाटी वडा नं.६,५ र २, महालक्ष्मी नगरपालिका वडा नं.८,९र १ मा लगाईएको सबै तरकारीबाली नष्ट भएका छन् ।
बेलुकीपख करिव ४५ मिनेट भन्दा बढी परेको असिना पानीले छथर जोरपाटी गाउँपालिकाको सिंधुवा जोन क्षेत्रमा लगाईएको काउली, बन्दा, आलु, मटरकोसा, साग, नर्सरी र टनेलहरु नष्ट गरेका छन् ।
छथर जोरपाटी गाउँपालिका वडा नं.६ को मजुवा गाउँमा मात्र करिव ३० करोड बरावरको क्षति भएको जिल्ला सहकारी संघ धनकुटाका कोषाध्यक्ष समेत रहेका स्थानिय अगुवा कृषक युवराज थापाले जानकारी दिनुभयो ।
उक्त गाउँमा करिव ३ सय घरले लगाएको सबै तरकारी नष्ट उहाँले जानकारी दिनुभयो ।
क्षतिको बिवरण संकलन तथा अनुगमन गर्न प्रतिनिधि–सभा सदस्य राजेन्द्र कुमार राई,प्रदेश ‘ख’ का सभासद् ईन्द्रमणी पराजुली तथा जिल्ला प्रशासन कार्यालय धनकुटा र पत्रकारहरुको टोली सिंधुवा पुगेको थियो ।
बिपतपछि छथर जोरपाटी गाउँपालिकाले उपाध्यक्ष भीमला क्षेष्ठको नेतृत्वमा क्षतिको बिवरण संकलन गर्ने काम भईरहेको पालिकाका अध्यक्ष शेरबहादुर लिम्बूले जानकारी दिनुभयो ।
