उदयपुरमा हात्ती झैँ ठुलो सुँगुर, दाम परेछ ६० लाख

उदयपुरको बेलका नगरपालिकाले ६० लाख खर्चेर सुंगुरको मूर्ति बनाएको छ।

बेलका नगरपालिका वडा नम्बर ७ मैनामैनी मूलगाउँमा १२ फिट उचाइ र १६ फिट लम्बाई भएको सुंगुरको मूर्ति बनाइएको हो । नगरपालिकाका मेयर दुर्गाकुमार थापाका अनुसार सुगुरको मूर्ति बनाउन ६० लाख रुपैयाँ खर्च भएको छ ।  ।                                                 धार्मिक पार्क बनाउने योजनासहित मेयर थापाकै अवधारणा र राष्ट्रिय प्रज्ञा प्रतिष्ठानले दिएको डिजाइन अनुसार नगरपालिकाले मुर्ति बनाएको बेलका वडा नम्बर ७ का अध्यक्ष सुरेन्द्र राईले बताए । मुर्तिकार धनु याख्खालाई मुर्ति बनाउन दिइएको  र दशैंसम्म उद्घाटन गर्ने तयारी भएको मेयर थापाले बताए ।

यस ठाउँबाट बराह (बँदेल) हाम फालेर बराह क्षेत्रमा पसेको भन्ने किम्बदन्ती अनुसार बराहको मूर्ति बनाइएको बताइएको छ । त्यसै स्थानमा पार्कका लागि थप २० लाख बजेट छुट्याइएको र त्यसको ठेक्काको काम बाँकी रहेको मेयर थापाले बताए ।