मोरङका १७ मध्ये १५ स्थानीय तहमा कोइराला पक्षीय कांग्रेसको नेतृत्व

नेपाली कांग्रेसको १४ औं महाधिवेशन अन्तर्गत मोरङका १७ मध्ये १५ स्थानीय तहको नेतृत्व कोइराला पक्षले पाएको छ ।

अधिकांश स्थानीय तहमा केन्द्रीय सदस्य शेखर कोइराला निकट उम्मेदवार विजयी भएका छन् ।
दुई पालिकाको नेतृत्व देउवा पक्षले पाएको छ ।
सत्रमध्ये चार वटा पालिकामा सर्वसम्मत र १३ वटा पालिकामा निर्वाचनबाट नेतृत्व चयन भएको छ ।

केराबारी गाउँपालिको सभापतिमा प्रकश बस्नेत सर्वसम्मत भएका छन् । लेटाङ नगरपालिकाको सभापतिमा दीपकचन्द्र राई विजयी भएका छन् । त्यस्तै उर्लाबारी नगरपालिकाको सभपातिमा सुरेन्द्र लिम्बु सर्वसम्मत भएका छन् ।

त्यसैगरी मिक्लाजुङ गाउँपालिकाको सभापतिमा बबि राई, रतुवाईमा नगरपालिकाको सभापतिमा पोस्टबहादुर बस्नेत, सुनीबर्सी नगरपालिकाको सभापतिमा कमलकिशोर सिंह, रंगेली नगरपालिकाको सभापतिमा जगन्नाथ मण्डल, पथरी शनिश्चरे नरपालिकाको सभापतिमा रुपनारायण भट्टराई चयन भएका छन् ।

कानेपोखरी गाउँपालिकाको सभापतिमा योगेन्द्र दाहाल, बेलबारी नगरपालिकाको सभापतिमा छत्रबहादुर लिम्बु, सुन्दर हरैचा नगरपालिकाको सभापतिमा भक्तिप्रसाद सिटौला, ग्रामथाङ गाउँपालिकाको सभापतिमा तुलसी विष्ट चयन भएका छन् ।

बुढीगंगा गाउँपालिकको सभापतिमा जितनारायण थापा मगर, विराटनर महानगरमा दीपक चापागाइँ, कटहरी गाउँपालिकाको सभापतिमा रामकुमार कामत चयन भएका छन् ।

धनपालथान गाउँपालिकाको सभापतिमा दीपकवीर पाण्डे र जहदा गाउँपालिकाको सभापतिमा महेन्द्रप्रसाद मण्डल सभापतिमा चयन भएका छन् । उनीहरु सभापति देउवा पक्षधर हुन् ।