नोबेलले सुरु गर्यो ‘टोकन सिस्टम, अब हुन्न पूर्जी काट्न लाइन बस्नुपर्ने बाध्यता

विराटनगरस्थित नोबेल शिक्षण अस्पतालले विरामीहरुको सहजताका लागि अस्पतालमा ‘टोकन सिस्टम’ लागू गरेको छ ।

विरामी र विरामीका आफन्तलाई अस्पतालमा पूर्जी काट्दा लाइनमा उभिनुपर्ने झन्जटबाट मुक्त गर्न नोबेलले टोकन सिस्टम सुरु गरेको हो ।

अहिले पहिलो चरणमा पुर्जी लिने ठाउँमा यो सिस्टम लागू गरिएको छ । विरामीले टोकन नम्बर लिएर स्क्रीनमा आफ्नो नम्बर देखाएपछि काउन्टरमा गएर पुर्जी लिनुपर्ने हुन्छ ।

विरामी र विरामीका आफन्तको सहजताका लागि पूर्जी काउन्टरमा टोकन सिस्टम लागू गरिएको नोबेल अस्पतालका सञ्चालक डा.सुनिल शर्मा बताउँछन् । नोबेलले अन्य स्थानमा पनि यो सिस्टम लागू गर्ने तयारी गरेको छ ।

टोकन सिस्टम लागू भएपछि पुर्जी लिन विरामीले लाइनमा उभिएर पालो कुर्नुपर्ने वाध्यताको अन्त्य भएको छ ।