मोरङ क्षेत्र ३ र ४ का सांसदहरुलाई बेलबारी क्याम्पसले गर्यो सम्मान 

बेलबारी क्षेत्रबाट बिजयी सांसदहरुलाई बेलबारी बहुमुखी क्याम्पसले सम्मान गरेको छ ।

सोमबार क्याम्पसको सभाहलमा आयोजित कार्यक्रममा मोरङको क्षेत्र ३ र ४ बाट बिजयी सांसदहरुलाई सम्मान गरिएको हो  । क्षेत्र नम्बर ४ का सांसद सङघीय मामिला तथा सामान्य प्रशासन मन्त्री अमनलाल मोदी ,क्षेत्र न ४ (क) का सांसद जयप्रकाश चौधरी ,क्षेत्र नम्बर ३ का संघिय सांसद डा.सुनिलकुमार शर्मा ,क्षेत्र नम्बर ३ (क) का सांसद मानबहादुर लिम्बु ३ (ख) का सांसद ज्ञानेन्द्र सुबेदी ,समानुपातिक सांसद गीता तिम्सिना लगायतलाई सम्मान गरिएको छ ।

क्याम्पस व्यवस्थापन समितिका उपाध्यक्ष नगेन्द्र जमरकट्टेलको सभापतित्व र बेलबारी नगरपालिकाका नगर प्रमुख दिलप्रसाद राई को प्रमुख आतिथ्यमा कार्यक्रम भएको थियो । कार्यक्रममा बेलबारीका  विभिन्न संघ संस्थाका प्रतिनिधिहरुको पनि उपस्थिति थियो ।